Berlin Bayroq

Brandenburg

Bu atamaning boshqa maʼnolari ham mavjud, qarang: Brandenburg (maʼnolari).

Brandenburg Olmoniya yerlaridan biridir. Poytaxti — Potsdam. Maydoni — 29 478,63 km². 2 495 635 nafar aholi istiqomat qiladi (2011).

Brandenburg — Olmoniya yeri. Maydoni 20 ming km². Aholisi 2,5 mln. kishi (1994). Maʼmuriy markazi — Potsdam shahri B. markazida yer huquqiga ega boʻlgan alohida maʼmuriy birlik, mamlakat poytaxti — Berlin shahri joylashgan. B.da aholi zichligi boshqa yerlarga nisbatan kam. Oʻrta asrlarda B. oʻrnida aholisi asosan Gollandiya, Chexiya va Fransiyadan badargʻa qilinganlardan iborat nemis knyazligi boʻlgan. 1356 yildan kurfyurstlik (1415 yil dan Gogensollernlar boshqardilar; 1486 yildan ularning qarorgohi Berlin edi); 1618 yildan B. Prussiya davlatidagi Prussiya gersogligi bilan birlashdi. 1815—1945 yillarda Prussiya provinsiyasi, soʻngra Olmoniya yeri boʻlib, 2-jahon urushidan soʻng B.viloyatlarining katta qismi sovet okkupatsiyasi zonasiga kirdi, 1949 yildan GDR tasarrufida, 1990 yilda GDR va GFR qoʻshilgandan soʻng , birlashgan Olmoniya tarkibida.

B. Olmoniyaning yangi yerlari ichida maydoni jihatidan eng kattasi. Maydonining 35% oʻrmon. B.dan Xavel va Shpre daryolari oqib oʻtadi. Tabiat muhofazasiga eʼtibor kuchli. Tabiat parklari, qoʻriqxonalar va rezervatlar koʻp. B. industrialagrar r-n. Brandenburg va oʻrmonchilik B. iqtisodiyotida muhim oʻrin tutadi. Bushoy, javdar, kartoshka, qand lavlagi, moyli oʻsimliklar ekiladi, Berlin hamda Oderburx shaharlari atrofida sabzavot va meva yetishtiriladi. Transport mashinasozligi, stanoklar ishlab chiqarish, elektronika, energetika, oziq-ovqat va kimyo sanoati rivojlangan. Sanoatlashgan qismi — Ayzenxyuttenshtadt (poʻlat quyish) va Kotbus (qoʻngʻir koʻmir qazib olish, kimyo sa, noati va energetika). Berlindan jan.da, Lyudvigsfeldda tayyor qismlardan yuk mashinalari yigʻiladi. FrankfurtOderda elektrotexnika sanoati va priborlar ishlab chiqarish korxonalari bor. 13—15-asrlarga oid meʼmoriy yodgorliklar saqlangan.^[1]

Bavariya — GFR yeri. Dunay havzasida. Maydoni 70,6 ming km². Aholisi 12,584 mln. kishi (2011). Maʼmuriy markazi — Myunxen shahri. Bavariya mamlakatning eng baland togʻli qismida. Myunxenda iyulning oʻrtacha harorati 17 °C, yiliga 935 mm yogʻin yogʻadi. Daryolari Dunay havzasiga mansub, koʻl koʻp. Hududining 1/3 qismi oʻrmon bilan band; togʻ yaylovlari bor.

Tarixi

Bavariya hududida olmonarning bavar qabilasi yashagan. 1070—1180 yillar Bavariyada velf qabilasi hukmronlik qilgan. 1180—1918 yillar Vittelsbaxlar sulolasi idora qilgan. 1806-yildan qirollik va Reyn ittifoqi aʼzosi. 1871-yildan Olmoniya imperiyasi tarkibida. 1945-yildan Amerika okkupatsiya zonasi, 1949-yildan esa GFR tarkibiy qismi.

Iqtisodi

Bavariya — industrial-agrar rayon. Elektr energiyasining yarmini GESlar beradi. Urushdan keyingi yillarda neftni qayta ishlash (Ingolshtadt, Nyoyshtadt) va neft kimyosi sanoati bunyod etilgan (neft Marsel, Genuya, Triyest portlaridan quvurlar orqali keltiriladi). Bavariya GFR alyuminiy mahsulotining 1/3 qismini beradi (Tyoging). Sanoatning yetakchi tarmogʻi mashinasozlik: elektrotexnika, (Myunxen, Nyurnberg , Erlangen), umumiy mashinasozlik (Augsburg , Ashaffenburg), transport mashinasozligi, jumladan avtomobilsozlik (Myunxen, Augsburg , Ingolshtadt) va samolyotsozlik (Augsburg), aniq mexanika (Nyurnberg). Toʻqimachilik (Xof, Augsburg) va tikuvchilik, oziq-ovqat sanoati ham muhim oʻrin tutadi.