Берилганлар базасини бошқариш учун объектли-реляцион модел

Берилганларни аниқлаш тили (DDL) (Data Definition Statements)

DDL жумлалари схема объектларини аниқлаш, сақлаш ва керак бўлмаганда йўқотиш учун ишлатилади. DDL жумлалари фойдаланувчи бошқа фойдаланувчиларга берилганларга кириш имтиёзларини бериш учун ҳам ишлатилади

Берилганларни бошқариш тили (DML)
DML жумлалари берилганлар базасидаги берилганларни бошқаради. Масалан, сўров бериш, янги қиймат қўйиш, қийматни ўзгартириш, ва жадвал қаторларини ўчириш DML амалларига мисол бўлаолади.

Транзакцияни назорат қилувчи жумлалар

Транзакцияни назорат қилувчи жумлалар DML жумлалари томонидан бажарилган ўзгаришларни бошқаради. Улар фойдаланувчи ёки дастурчиларга ўзгаришларни мантиқий транзакцияларга гурухлашга имкон беради. COMMIT, ROLLBACK, ва SAVEPOINT шуларга мисол бўлаолади

Сессияни назорат қилувчи жумлалари
Сессияни назорат қилувчи жумлалари фойдаланувчига унинг оний сессия хоссаларини, жумладан ролни актив ва пассив ҳолатга келтиришни, бошқаради. ALTER SESSION ва SET ROLE буларга мисол бўлаолади.

Тизимни назорат қилувчи жумлалари

• Тизимни назорат қилувчи жумлалари Oracle сервери нусхаси хоссаларини ўзгартиради.
• Тизимни назорат қилувчи ягона командаси ALTER SYSTEM мавжуд; у сизга умумий ишлатилиши мумкин бўлган серверларнинг минимал сонини ўрнатиш, сессияни тугатиш ва шу каби бошқа вазифаларни бажаришга имкон беради.

Ички қурилган SQL жумлалари

Ички қурилган SQL жумлалари DDL, DML ва транзакцияни назорат қилувчи жумлаларини процедуравий тилдаги дастурларда тасвирлаш учун ишлатилади. OPEN, CLOSE, FETCH, ва EXECUTE буларга мисол булаолади.

Транзакциялар
Транзакция – ягона фойдаланувчи томонидан бажариладиган битта ёки ундан кўп SQL жумлаларидан иборат ишнинг мантиқий бирлигидир. ANSI/ISO SQL стандартига асосан транзакция фойдаланувчининг биринчи бажариладиган SQL жумласидан бошланади. Транзакция тугатилган деб ҳисобланади, агар ўша фойдаланувчи томонидан у ошкор тарзда “commit” ёки ‘rollback’ қилинса.