Берилганлар базасини бошқариш учун объектли-реляцион модел

Жадваллар

Жадвал Oracle берилганлар базасидаги берилганларни сақловчи асосий бирликдир. Жадвал берилганлари қаторлар ва устунларда сақланади. Хар бир жадвал – жадвалнинг номи ва устунлар тўплами орқали аниқланади. Хар бир устун – устун номи, берилганлар тури (масалан CHAR, DATE, ёки NUMBER), ва узунлиги ёки масштаб ва аниқликдан иборат. Жадвал яратилиши билан уни тўғри қаторлар билан тулдириш мумкин. Сўнг жадвал қаторлари қийматларини ўзгартириш, йўқотиш ва сўраб олиш мумкин. Жадвал берилганларини маълум бизнес қоидаларига бўйсундириш учун жадвал учун яхлитлик чеклагичлари ва триггерларни аниқлаш мумкин.

Кўринишлар

Кўриниш – жадвалларга асосланган сақланадиган сўров деб тасаввур қилиш мумкин. Кўринишлар берилганларни сақламайди, балки у асосланган жадваллардан олади. Асосий жадваллар ўз навбатида жадваллар ёки кўринишлар бўлиши мумкин. Жадваллардагидек кўринишларга сўров бериш, қийматларини ўзгартириш, янги қиймат киритиш ва қийматларни йўқотиш (баъзи чекланишлар билан). Барча амаллар ҳақиқатда кўриниш асоланган жадваллар устида бажарилади.

Кетма-кетликлар жадвал устунларини тўлдириш учун уникал бўлган сонлар кетма-кетлигини ишлаб чикаради
Кетма-кетликлар

Дастур бирликлари

Дастур бирликлари термини ушбу қўлланмада сақланадиган процедуралар, функциялар, пакетлар, триггерлар ва номсиз блоклар учун ишлатилади. Процедура ёки функция SQL ва PL/SQL жумлалар тўпламидан иборат бўлиб муайян вазифани бажарувчи бажариладиган бирликлардир. Процедура ва функцияларни берилганлар базасида сақлаб, исталган вақтда бажариш мумкин. Функция ҳамма вақт чақирувчига битта қиймат қайтаради. Бошқа томонларидан функция ва процедура айнан бир хил бирликлардир.

Пакет эса ўзаро боғланган процедуралар, функциялар ва бошқа пакетларни берилганлар базасида ягона бирлик сифатида сақлаш учун ишлатилади.

Синонимлар

Синонимлар – жадвал, кўриниш, кетма-кетлик ёки бошқа дастур бирлиги учун ҳамрох бўлиб ҳисобланади. Синоним ҳақиқатда схема объекти эмас балки унга ҳаволадир.

Индекслар, Кластерлар ва Хеш кластерлари жадвалларга боғланган тузилмалар бўлиб берилганларни саралаб олишини тезлаштириш учун ишлатилади. Индекслар жадвалнинг битта ёки ундан кўп устунлари учун очилади. Кластерлар жадвал берилганларини сақлаш усули бўлиб жисмонан бирга сақланадиган битта ёки ундан кўп жадваллар гурухидир. Жадвалларнинг боғланган устунлари кластернинг калити деб номланади ва индексланади.
Индекслар, Кластерлар ва Хеш кластерлари