Berdaq nomidagi

Sunami vaqtida nima qilish kerakǵ Sunami xavfi to‘g‘risida signal kelib tushishi bilakoq harakatingizni boshlang. SHaxsiy muhofazangizni ta’minlash va atrofdagilarni muhofaza qilish uchun har bir daqiqadan unumli foydalaning. Ixtiyoringizda bir necha daqiqadan yarim soatgacha vaqt bo‘lishi mumkin. SHu sababli o‘ylab, xotirjam holda harakat qilsangiz sunami ta’siridan muhofazalanish uchun imkoniyatlaringizni oshirgan bo‘lasiz.
Bino ichida bo‘lsangiz, zudlik bilan uni tark eting. Elektr, gaz ta’minotini o‘chiring, xavfsiz joyni egallang. Eng qisqa yo‘l bilan dengiz sathidan 30 – 40 m balandlikka ko‘tariling yoki qirg‘oqdan 2 – 3 km nariga keting. Avtomobilda ketayotgan bo‘lsangiz, xavfsiz yo‘nalishda harakatni davom ettiring. Xavfsiz joyda berkinish uchun vaqt etarli bo‘lmasa, iloji boricha binoning yuqoriroq qavatlariga chiqib olishga harakat qiling, barcha eshik va derazalarni yoping. Imkoniyat bo‘lsa, yanada mustahkamroq binoga o‘tib oling.
Agar bino ichida qolishga to‘g‘ri kelsa, eng xavfsiz joylar – ichki devorlar, ustunlar oldi, tayanch devorlar hosil qilgan burchaklar ekanligini yodda tuting. YAqiningizda turgan, yiqilib tushishi mumkin bo‘lgan, ayniqsa shisha buyumlarni chetga olib qo‘ying. Binodan tashqarida bo‘lsangiz, daraxtlar ustiga chiqib oling yoki to‘lqin zarbiga uchramaydigan joylardan o‘rin egallang. Juda bo‘lmaganda, daraxt tanasi yoki mustahkamroq to‘siqni quchoqlab oling.
Suvda qolsangiz, poyabzal va kiyim – boshingizni echib tashlang, suvda suzib yurgan buyumlar ustiga chiqib olishga harakat qiling. Ehtiyot bo‘ling, to‘lqin o‘zi bilan yirik buyumlar va ularning parchalarini olib kelishi ham mumkin. Birinchi to‘lqin kelganidan so‘ng, ikkinchi va undan keyingi to‘lqinlarni qutib olishga tayyorlaning, xavfli hududni tark eting. Zaruriyat tug‘ilsa, jabrlanganlarga birinchi tibbiy yordam ko‘rsating.