Berdaq atinda

Pán boyınsha studentlerdiń bilimin bahalaw hám qadaǵalaw kriteriyaları
«Qaraqalpaq tili» páninen studentler bilimin reyting sisteması tiykarında bahalaw kriteriyası


«Qaraqalpaq tili» páni boyınsha reyting kesteleri, qadaǵalaw túri, forması, sanı hám de hár bir qadaǵalawǵa ajıratılǵan maksimal ball, sonday-aq aralıq hám shegaralıq qadaǵalawlardıń qoyılıw balları haqqındaǵı maǵlıwmatlar pán boyınsha birinshi sabaqta studentlerge daǵazalanadı.
Pán boyınsha studentlerdiń bilim dárejesi hám ózlestiriw dárejesiniń Mámleketlik tálim standartlarına muwapıqlıǵın támiyinlew ushın tómendegi qadaǵalaw túrleri ótkeriledi:

• 
  Aǵımdaǵı qadaǵalaw (AQ) - studenttiń pán temaları boyınsha bilim hám ámeliy kónlikpe dárejesin anıqlaw hám bahalaw usılı. Aralıq qadaǵalaw pánniń ózgesheliginen kelip shıqqan halda ámeliy shınıǵıwlarda awızeki soraw, test ótkeriw, sáwbet, qadaǵalaw jumısı, kollekvium, úy tapsırmaların tekseriw hám sol sıyaqlı basqa formalarda ótkeriliwi múmkin;
  
• 
  shegaralıq qadaǵalaw (ShQ) - semestr dawamında oqıw baǵdarlamasınıń tiyisli (pánlerdiń bir neshe temaların óz ishine alǵan) bólimi tamamlanǵannan keyin studenttiń teoriyalıq bilim hám ámeliy kónlikpe dárejesin anıqlaw hám bahalaw usılı. Shegaralıq qadaǵalaw hár semestrde bir márteden, jıl dawamında eki mártebe ótkeriledi hám forması (jazba, awızeki, test hám t.b.) oqıw pánine ajıratılǵan ulıwma saatlardan kelip shıqqan halda belgilenedi;
  
• 
  juwmaqlawshı qadaǵalaw (JQ) - semestr juwmaǵında belgili pán boyınsha teoriyalıq bilim hám ámeliy kónlikpelerdiń studentler tárepinen ózlestiriliw dárejesin bahalaw usılı. Juwmaqlawshı qadaǵalaw tiykarınan tayanısh sóz hám túsiniklerge tiykarlanǵan «Awızsha» tiykarında ótkeriledi.
  

JQ ótkeriw procesi kafedra baslıǵı tárepinen dúzilgen komissiya qatnasında turaqlı túrde úyrenip barıladı hám onı ótkeriw tártipleri buzılǵan jaǵdaylarda, JQ nátiyjeleri biykar etiliwi múmkin. Bunday jaǵdayda JQ qayta ótkeriledi.