Bektosheva Farangiz abdulla qodiriyning o`tgan kunlari va

Aytilmagan haqiqatlar...

Irfon aka otalarining Habibulloh Qodiriy suratini olib koʻzlarida yosh bilan yana tarixga qaytadi...

"1988 yil men 17 yoshda edim otamni koʻmib, uyga qaytdik. Onam menga "bolam, otangni qabrga yuzini yerga qaratib qoʻydilaringmi? Otang shuni vasiyat qilgan edi. Yerga yuztuban qarab yotsam, zora ichiga yigʻilgan dard-alamlarim zardobi ogʻzimdan chiqib ketsa, degandi, uning ichi toʻla dardu, alam edi. Oʻzi bilan koʻp gaplarni, haqiqatlarni olib ketdi, birovga aytmadi", degandilar onam..."

Irfon aka xoʻrsinadi.

"Otam koʻp haqiqatlarni aytmay oʻzlari bilan qabrga olib ketganlar. Bobom Abdulla Qodiriy "xalq dushmani" boʻlgach, otamni ham tinch qoʻyishmagan. 1945 yil 25 may kuni otamni "Xalq dushmanining oʻgʻli" sifatida olib ketishadi. Uzoq-qiynoq va soʻroqlardan keyin uni Sibirga surgun qilishadi. 1953 yil Stalin vafotidan keyin, otam ozod qilinadi. Biroq, hamon Toshkentga qaytishga ruxsat yoʻq edi. U 2 yil Qaragʻandada (Qozogʻiston) yurib, 1955 yilda 37 yoshida nihoyat uyga qaytib, oila qurgan..."