Bazel 3 va uning joriy etish shart-sharoitlari

1-jadval. Kapitalning monandligiga qo’yilgan minimal talablar (%)⁸

	Talab kuchga kirish sanasi	Regulyativ kapitalga, (K1)	I darajali kapitalga, (K2)	I darajali asosiy kapitalga
	01.01.2017	12,5	9,5	7,5
	01.01.2019	13	10	8

Banklar 2015 — 2018-yillarda soliqlar to’langandan so’ng qoladigan sof foydadan ajratmalar ajratish orqali quyida keltirilgan ko’rsatkichlardan kam bo’lmagan miqdorda kapitalni oshirish bo’yicha barcha choralarni ko’rishlari lozim.

Kapitalning monandlik darajasi talablari bilan bir qatorda banklar I darajali
kapitalni nomoddiy aktivlarni chegirib tashlangan holda O’zbekiston Respublikasi Adliya Vazirligi tomonidan 2015-yil 6-iyulda ro’yxatdan o’tkazilgan, ro’yxat raqami 2693-sonli “Tijorat banklari kapitali monandligiga qo’yiladigan talablar to’g’risidagi” Nizomning 5 va 6-boblarda nazarda tutilgan aktivlar qo’shilgan umumiy aktivlar summasiga nisbati sifatida aniqlanadigan leveraj koeffitsientiga rioya etishlari kerak:
K3 = I darajali kapital / (Umumiy aktivlar+2693-sonli-Nizomning 5 va 6-boblardagi aktivlar — Nomoddiy aktivlar).
Leveraj koeffitsientining eng kichik darajasi 0,06 (6 foiz)ga teng.
Leveraj koeffitsientini hisoblashda kelgusida balans aktivlarida aks etishi ehtimoli bo’lgan bank balansining «Ko’zda tutilmagan holatlar» hisobvaraqlaridagi aktivlar ham hisobga olinadi. Bularga kapitalni monandligini hisoblashda qo’llaniladigan aktivlar kiradi.