Bazar ekonom jagday. Sayipnazarov. S

IV.  Ma`mlekettin`  ekonomikalıq  wazıypaları.  Joqarıdag`ı  pikirlerden  kelip 

shıqqan  halda,  ma`mleket  o`z  moynına  to`mendegi  ekonomikalıq  wazıypalardı 

aladı: 

1. Ja`miyettin` huqıqıy ha`m sotsiallıq tiykarın saqlap turıw.  

Ma`mleket  insanlardın`  ja`miyette  jasawı,  miynet  etiwine  baylanıslı  a`m  olar 

ortasındag`ı qatnasıqlardı belgilewshi nızam ha`m huqıqıy normativlerdi ornatadı, 

nızam  aldında  ha`mmenin`  ten`ligin  kepillestiredi  ha`m  olardı  orınlanıwın 

qadag`alaydı.  

2.  Ba`sekini  qollap  –  quwatlaw.  Ma`mleket  monopologiyag`a  qarsı  gu`resedi, 

ba`sekini qorg`aydı ha`m qollap turadı. 

3. Sotsiallıq o`nimler – tovar ha`m xızmetler menen ta`miyinlew.  

Ma`mleket  bazar  ta`miyn  ete  almaytug`ın,  lekin  ja`miyet  ushın  kerekli  bolg`an 

a`tirap  –  ortalıqtı  qorg`aw,  qorg`anıw,  densawlıqtı  saqlaw,  bilim-lendiriw  sıyaqlı 

tarawlardı tovar ha`m xızmetlerdi islep shıg`aradı ha`m xalıqqa usınadı.