Баҳром ирзаев туркистон жадидларининг

Талаба
Туркистон. 1922 йил 24 сентябрь.
www.ziyouz.com kutubxonasi

---

42
Масковдаги ўқиғувчиларимиз тўғрисида
Бу йил Масков ва Петербурғға турлик билим юрт-
ларида ўқимоқ учун кўпгина йигитларимизнинг кет-
ганликлари маълумдир. Бу ҳол йўқсул элимизнинг 
саодатини истаган ҳар бир кишини суюнтириб, юр-
тимизнинг келгуси учун порлоқ умидларга солмоқда-
дир. Шунинг билан баробар, шу хайрли ишни нима-
гадир ёмон кўрган, шуни “хато” деб ўйлағон кишилар 
ҳам бор экан. Масалан: бир муддат Нижний ярман-
ка(ярмарка)си билан Маскавда бўлиб, шу кунларда-
Тошкентга қайтган ва қандоғ ўй ва фикрга молик бир 
киши эканлиги бизга маълум бўлғон бир йигитимиз, 
Масковдаги ўқиғувчиларимиз тўғрисида ҳар хил бўл-
мағур хабарлар тарқотғон. “Масковга борғон ўқиғув-
чиларнинг деярли ҳаммаси ҳар кимнинг олдига кириб 
тиланиб юрадирлар” деган. Бу ёлғон ва асоссиз хабар 
Масковдаги ўқиғувчиларимизнинг яхши жиҳатига су-
юниб, ёмон жиҳатига куюниб юрган кўп кишилари-
мизни ташвишга солғон, улар орасида ҳар хил гап сўз 
ташвиш қўзғотқон.
Шунинг учун биз ундай ташвишланган ўртоқлар-
га ва Масковдаги ўқиғувчиларимизнинг ота-оналарига 
хабар берамиз ким, Масковдаги ўқиғувчиларимизнинг 
барчаси бугун яхшилаб ўрнашқонлар. Таъминотла-
ри яхши, ўртоқ Боту каби фидокор йигитларимизнинг 
ғайрати орқасида Туркистон жумҳуриятининг Масков 
ваколатхонаси уларга моддий ёрдамда бўлинғон. Бу 
тўғрида идорамизда хатлар, хабарлар бор. Масковдан 
келган ишончли кишилар бизга маълумот бердилар. 
Шунинг учун бу жиҳатдан ташвишланишга сира ўрин 
йўқдир. Тарқатилган “қўрқунчли хабарларнинг асли ва 
асоси йўқдир”.
“Туркистон” газетасининг бошқармаси 
Туркистон. 1922 йил 5 октябрь.
www.ziyouz.com kutubxonasi

---

43