Барча фан ўқитувчилари Тингловчилар

Тингловчиларга тавсия этиладиган манбалар:
―Педагогика‖ ва ―Психология‖га оид адабиѐтлар.
 
Тингловчилар учун кўрсатмалар:
1. Кейс моҳиятини етарлича англаб олинг.
2. Берилган манбаларга таянган ҳолда муаммонинг ечимини топишга хизмат 
қилувчи омилларни аниқланг.
3. Аниқланган омиллар орасидан муаммога барчасидан кўпроқ даҳлдор бўлган 
омил (ѐки иккита омил)ни ажратинг.
4. Ана шу омиллар асосида ечимни асослашга уринг.
 
Ўқитувчининг ечими
Ҳар бир шахс ижтимоий, хусусан, микромуҳитда шаклланади ва 
ривожланади. Болалар ўз тенгдошлари билан мулоқот қилиш, ўқиш, ўйнаш, 
беллашиш, бахслашиш эҳтиѐжига эга. Улар тенгдошлари билан бўладиган 
муносабатларда ўзидаги камчилик ва нуқсонларни сезади, уларни бартараф 
этиш ҳақида ўйлаб кўради. Тенгдошларининг таъсири билан меҳнатга 
муносабатлари шаклланади. Ўсмирлар эса деярли барча ҳаѐтий вазиятларда 
тенгдошларидан намуна олишга интилишади. Ўзлари мансуб бўлган муҳитда 
лидер бўлишга ҳаракат қилади. Шу сабабли Мадинанинг ойиси ноҳақ.
Ойиси Мадинани уй-рўзғор ишига ҳақорат қилмаган ҳолда ундаши зарур эди.
Энг тўғри йўл Мадинага кўчага чиқиши учун рухсат бериш, бироқ, узоқ қолиб 
кетмаслигини эслатиб қўйиш, у қайтиб келганидан кейин эса ўртоқлари кимлар 
эканлигини, вақтини тенгдошлари билан бўладиган муносабатларга ҳам 
сарфлаши мумкинлигини, аммо, кўпроқ вақтини тежашга эътибор қаратиши 
зарурлигини тушунтириши лозим. 
6-микрокейс. 
Биринчи синфда ўқиѐтган Зарифа математикадан мисолни биринчи ва 
тўғри ечгани учун ―беш‖ баҳо олди. Ўқитувчи уни бунинг учун мақтади. 
Зарифа уйга қайтгач, шошганича, бу хабарни ойисига айтди. У кундалигини 
олиб кўрсатаман деса,ойиси хатто қайрилиб қарамади хам . Ойиси Зарифанинг 
хабарини совуққонлик билан тинглади ва қизига қайрилаб ҳам қарамасдан 
деди:

---

93 
- Беш олдингми? Жуда соз, баракалла, - энди овқат тайѐрлашимга халақит 
бермагин-да, ўйнаб кел!
Зарифа тушлик ҳам қилмай кўчага чиқиб кетди.
Саволлар:
1. Вазиятни қандай баҳолайсиз?
2. Зарифанинг онаси тарбиянинг қайси тамойилларига зид иш қилди?
3. Шу каби вазиятлар Зарифанинг тарбиясига қандай таъсир ўтказади.