Барча фан ўқитувчилари Тингловчилар

 
Мактабгача таълим.
Мактабгача таълимга Японияда катта эътибор берилади, чунки 
психологларнинг таъкидлашича 7 ѐшгача инсон билимларни 70%ни, қолган 
30%ни бутун қолган умри давомида ўзлаштирар экан. Мактабгача тарбия одатда 
оиладан бошланади. Япон аѐллари учун оналик биринчи ўринда туради. Кўпгина 
япон аѐлларининг айтишларича, бола тарбияси-уларнинг ҳаѐтларининг 
мақсадларидир.
Японлар боланинг эрта вояга етиши тарафдоридирлар. Турли ѐшларда 
тарбиянинг турли муаммоларига урғу беради. Масалан, 1 ѐшда-ўзига ишонч 
ҳиссини уйғотиш, 2 ѐшда-амалий санъат қўл меҳнатини кўрсатиш, 3 ѐшда-бурч 
ҳиссини тарбиялаш, 4 ѐшда-яхшилик ва ѐвузликни фарқлашга ўргатиш, 5 ѐшда-
лидерлик ҳислатларини тарбиялаш, мустақилликка, режа тузиш ва уларни 
бажаришга ўргатиш. Болалар ва қизлар турлича тарбияланадилар. Ўғилга 
оиланинг бўлажак таянчи сифатида қарайдилар ва қийинчиликларни енгишга 
ўргатадилар. Қизларни эса уй ишларига тайѐрлайдилар.
Япония боғчаларида болаларни 8 кишилик кичик гуруҳлар-―ханларга 
бўлади. Бу болаларга боғчада ―ўз иш ўрнилари ажратилади, улар ўз ханларига 
ном танлайдилар. Шу тариқа энг кичик ѐшдан жамоада ишлашни ўргатадилар. 
Бу гуруҳдаги ҳар бир ўқувчи гуруҳда ўз ўрнига эга бўлиши лозим. Бундай 
ханлар кейинги таълим босқичида ҳам қўлланилади. Ўрта мактабда ханлар 
доимий эмас, улар янги шароитларга тезроқ кўникиш учун ҳар 5 ойда ўзгартириб 
турилади. Япония боғчаларига 3-5 ѐшдаги болалар қабул қилинади. Болалар 
боғчаларининг мақсади болаларнинг ақлий ва жисмоний қобилиятларини 
ривожлантириш, мустақиллик ва ички тартиб кўникмаларини тарбиялаш, 
жамият ҳодисаларига тўғри муносабатда бўла олишни ўргатишдан иборат. 
Шунингдек, оғзаки нутқ, сўзларни тўғри қўллашни ўргатишга ҳам катта эътибор 
берилади. Эртаклар, китоблар, мусиқа, спорт ўйинлари, рассомлик каби 
шахснинг ижодий хусусиятларига қизиқиш уйғотилади. Ҳозирги кунда 
мактабгача тарбия муассасаларига 60% болалар жалб этилган. Бошланғич 
таълимга эрта қабул қилишга ўтиш мақсадида 4-5 ѐшдаги болаларнинг 
барчасини болалар боғчасига жалб қилиш кўзда тутилмоқда.

---

72 
Болалар боғчаси Японияда ватан фуқаросини шакллантириш тизимининг 1-
босқичи ҳисобланади. Мустақил фаолият, жамоавий онг, ижтимоий масъулият 
кўникмаларини шакллантиришга алоҳида эътибор қаратилади.
Болалар боғчасининг асосий вазифаси-болани мактабга тайѐрлашдир. Бу 
ерда расм, мусиқа, ритмика, жисмоний тарбия бўйича машғулотлар ўтилади. 
Индивидуаллик, у қанчалик яхши бўлмасин, ўқувчиларни ўзига жалб 
қилмайди, болалар жамоаси томонидан қабул қилинмайди.