Banklariga moliyaviy resurslarni jalb qilish mexanizmi va ulardan samarali foydalanish

Bitiruv malakaviy ishining maqsadi. Tijorat banklariga moliyaviy resurslarning salmog‘ini yanada oshirish va uning barqaror mexanizmini taminlash, shu bilan birga respublikamiz bank amaliyotidagi tijorat banklariga jalb qilinayotgan moliyaviy resurslarning manbalarini tahlil qilgan holda, ularni respublikamiz tijorat banklari faoliyatiga qo‘llash, ya’ni yangi xizmatlar va operatsiyalarni joriy etish bo‘yicha ilmiy xulosa va amaliy takliflarni ishlab chiqishdan iborat hisoblanadi.
Bitiruv malakaviy ishining vazifalari. Ushbu maqsadga erishish uchun quyidagi vazifalar belgilab olingan:

1. 
   Tijorat banklarining moliyaviy resurslarini shakllantirish mexanizmining nazariy asoslarini o‘rganish.
   
2. 
   Tijorat banklariga moliyaviy resurslarni jalb qilishning rivojlangan mamlakatlar tajribasini tahlil qilish orqali yangi usullarni qo‘llash.
   
3. 
   Respublika tijorat banklariga moliyaviy resurslarni jalb qilish holati va ulardan samarali foydalanish tahlili
   
4. 
   Tijorat banklariga moliyaviy resurslarni jalb qilish va ulardan samarali foydalanishdagi muammolar hamda ularni hal qilish yo'llari aniqlash.
   
5. 
   Tijorat banklariga resurslarni ko‘paytirish yo‘llarini takomillashtirish yuzasidan amaliy takliflar va tavsiyalar ishlab chiqish.
   

Bitiruv malakaviy ishining obyekti. Mamlakatimizda faoliyat olib borayotgan ayrim tijorat banklari faoliyati va ularga resurslarni jalb qilish sistemasi va uni tashkil etish hamda shakllantirishdagi amalga oshiradigan ishlari.
Bitiruv malakaviy ishining predmeti. Tijorat banklari faoliyatida resaurslarni jalb qilishning ahamiyati va ular orqali foyda olish jarayonida yuzaga keladigan iqtisodiy-huquqiy munosabatlar tashkil etadi.
Bitiruv malakaviy ishining nazariy va amaliy ahamiyati. O‘zbekistonlik va xorijlik iqtisodchi olimlarning xalqaro amaliyotda tijorat banklariga resurslarni jalb qilish mexanizmi va uni takomillashtirishga oid ilmiy izlanishlari hisoblanadi. Bitiruv malakaviy ishida ilgari surilgan alohida ilmiy takliflar va tavsiyalar tijorat banklari moliyaviy holatini yaxshilash, ularga yanada ko‘proq resurslarni jalb qilish mexanizmining zamonaviy va samarali yo‘llarini ishlab chiqish hamda mavjudlarini yanada takomillashtirishdagi chora tadbirlar yaratishda qo‘llanilishi mumkin.