Banklarda buxgalteriya fanidan

4. Banklarda naqd chet el valyutasini sotib olish va sotish bo‘yicha operatsiyalar hisobi
Vakolatli banklar bo‘linmalari almashlash punktlari orqali rezidentlar va norezidentlar bo‘lmish jismoniy shaxslardan chet el valyutasining sotib olinishini amalga oshiradilar. Bank bo‘linmalari ish boshlaguniga qadar almashlash punktlarining kassirlarini qat’iy hisobot blanklari va kun davomida punktning faoliyat yuritishi uchun etarli bo‘lgan miqdordagi so‘mlar va chet el valyutasidagi bo‘nak bilan ta’minlaydilar. Bo‘nakning berilishi va naqd chet el valyutasi va chet el valyutasidagi to‘lov hujjatlarining xarid qilinishi chog‘ida quyidagi buxgalteriya yozuvlari amalga oshiriladi.

Vakolatli banklarning bo‘linmalari rezident jismoniy shaxslarga chet el valyutasini sotishni almashlash punktlari orqali amalga oshiradilar. Naqd chet el valyutasini sotishga oid operasiyalarning amalga oshirilishi chog‘ida quyidagi buxgalteriya yozuvlari amalga oshiriladi: almashlash punktining xodimiga naqd chet el valyutasining hisobot uchun berilishi:

Bank bo‘linmalari ham o‘zining, ham boshqa (shu jumladan, xorijiy va xalqaro) banklar, tashkilotlar, uyushmalar va to‘lov tizimlari jamiyatlari tomonidan emissiyalangan, rezident va norezident jismoniy shaxslarning debet va kredit kartochkalari bo‘yicha naqd chet el valyutasining berilishi va qabul qilib olinishiga oid operasiyalarni amalga oshiradilar. Mazkur vakolatli bank tomonidan emissiyalangan debet va kredit kartochkalariga oid hisobvaraqlarga kirim qilinishi uchun rezident va norezident jismoniy shaxslardan naqd chet el valyutasining qabul qilib olinishi mijozning arizasi bo‘yicha uning talab qilib olingunigacha depozit hisobvarag‘iga asosan amalga oshiriladi, keyinchalik debet va kredit kartochkalariga kirim qilinadi. Operasiyalar quyidagi provodkalar asosida rasmiylashtiriladi: faqat Bosh daftarda AQSH dollari bo‘yicha,

Dt 10101- “Amaliyot (operasion) kassadagi naqd pullar”, Kt 20206- “Jismoniy shaxslarning talab qilib olinguncha saqlanadigan depozitlari”.