Banklarda buxgalteriya fanidan

3. Banklarda qarz majburiyatlarini chiqarish va ularni to‘lash bo‘yicha operatsiyalar hisobi.








4. Qimmatli qog‘ozlar bilan bo‘ladigan tijorat va investitsiya operatsiyalarini hisobga olish

10700-«Oldi-sotdi qimmatli qog‘ozlar» hisobvaraqlarida bank tomonidan savdo qilish maqsadlarida sotib olingan qimmatli qog‘ozlarning hisobi yuritiladi va ushbu qimmatli qog‘ozlar ularni kelajakda foyda bilan sotish maqsadida qisqa muddatga sotib olinadi.

Sotib olingan qimmatli qog‘ozlar sotib olish qiymati bo‘yicha hisobga olinadi, sotib olish qiymatiga qimmatli qog‘ozlarni xarid qilish bilan bog‘liq barcha xarajatlar (brokerlik va birja vositachilik haqi va x.k.), shu jumladan, ko‘zda tutilmagan xarajatlar kiritiladi.
Diskont yoki mukofot xarid qilish sanasida ro‘yxatga olinmaydi va qarz majburiyatiga egalik qilish muddati davomida amortizatsiya qilinmaydi.

Balans hisoboti tuziladigan sanada bozor narxini sotib olish narxi bilan taqqoslash orqali qimmatli qog‘ozlarni qayta baholash amalga oshiriladi. Bunda aksiyalar qiymati sof aktivlar (majburiyatlar chegirib tashlangan aktivlar)ni muomalaga chiqarilgan aksiyalar soniga bo‘lish orqali hisoblanadi. Barcha qimmatli qog‘ozlar bir vaqtning o‘zida qayta baholanadi.

Qimmatli qog‘ozlar ikki narxda, bozor yoki sotib olish narxining eng kam qiymati bo‘yicha baholanadi.

15900-“So‘ndirish muddatigacha saqlanadigan qarz qimmatli qog‘ozlarga qilingan investitsiyalar” h/vda bank tomonidan investitsiya maqsadlariga uzoq muddatli asosda sotib olingan qimmatli qog‘ozlarning hisobi yuritiladi.

Aksiyalarga qilingan investitsiyalarning hisobi bank tomonidan tijorat faoliyati uchun sotib olingan 10700- «Oldi-sotdi qimmatli qog‘ozlari» hisobvaraqlarida hisobga olinadigan aksiyalardan tashqari barchasi 15913- «Korxonalarning qarz qimmatli qog‘ozlari» h/vda hisobga olinadi.