Banklarda buxgalteriya fanidan

1-jadval
Hisobot shakllarining turkumlanishi⁵⁷

Turkumlashish belgilari	Hisobot shakllari
Turlari bo‘yicha	Moliyaviy Buxgalteriya Statistika
Ahamiyati bo‘yicha	Asosiy Qo‘shimcha
Qamrab olinadigan davri bo‘yicha	Kunlik Oylik CHoraklik YArim yillik Yillik
Doimiy ravishda tuzilmaydigan hisobotlar	O‘zR Markaziy banki so‘rovi bo‘yicha
Qo‘llanilayotgan aks ettirish usullarining xususiyatlari bo‘yicha	Milliy standartlar bo‘yicha hisobotlar MHXS talablarini hisobga olgan holda tuzilgan hisobotlar

Zamonaviy banklarni boshqarish pul birligida aks ettirilgan miqdoriy ma’lumotlardan foydalanishga asoslanadi. SHuningdek, bank hisobotlarida, agar ularni tahlil qilishda yordam bersa, sifat ko‘rsatkichlaridagi ma’lumotlar ham mavjud bo‘lishi mumkin. SHu bois, bank menejerlari uchun maxsus tayyorlangan hisobotlar boshqaruv hisobi ma’lumotlari bo‘lib hisoblanadi. SHuni bilish lozimki, buxgalteriya ma’lumotlari shartli turkumlash, taxminiy baholashdan ham foydalanadi.

Moliyaviy hisobot buxgalteriya hisobi ma’lumotlari asosida tuziladi. Yillik moliyaviy hisobot quyidagi hisobotlarni o‘z ichiga oladi:

• 
  buxgalteriya balansi;
  
• 
  moliyaviy natijalar to‘g‘risidagi hisobot;
  
• 
  pul oqimlari haqidagi hisobot;
  
• 
  xususiy kapital to‘g‘risidagi hisobot;
  
• 
  izohlar, hisob-kitoblar va tushuntirishlar⁵⁸
  

Hisobot davri bo‘lib 1 yanvardan 31 dekabrgacha bo‘lgan kalendar yil hisoblanadi. Moliyaviy hisobot bank aktsionerlari va ta’sischilariga, Markaziy bankka, soliq idoralariga, davlat statistika idoralariga, qonunchilikda ko‘zda tutilgan hollarda boshqa idoralarga taqdim qilinadi. Moliyaviy hisobotlar har chorakda yil boshidan o‘sib boruvchi yakun bilan tuzilgan holda taqdim qilinadi.