Banklarda buxgalteriya fanidan

Tayanch so‘zlar va tushunchalar:

Valyuta Valyuta operatsiyalari Muddatli valyuta operatsiyalari Joriy valyuta operatsiyalari Ichki valyuta operatsiyalari Xalqaro valyuta operatsiyalari Spot operatsiyasi

Spot kurs Valyuta optsioni Valyutaviy svop operatsiyasi Valyuta fyuchersi Forvard valyuta bitimi Valyuta ayirboshlash shoxobchasi

Nazorat savollari va topshiriqlar:

1. 
   Chet el valyuta operatsiyalarining qanday turlarini bilasiz?
   
2. 
   Banklarda chet el valyutasidagi hisobvaraqlarni ochish uchun qanday talablar qo‘yilgan?
   
3. 
   Valyuta mablag‘lari qanday maqsadlar uchun kassadan sarflanadi?
   
4. 
   Chet el valyutasi bo‘yicha operatsiyalarni amalga oshirishda qo‘llaniladigan tranzit hisobvaraqlardan qachon foydalaniladi?
   
5. 
   Chet el valyutasidagi operatsiyalarni amalga oshirish jarayoni qaysi me’yoriy hujjatlar bilan tartibga solinadi?
   
6. 
   Chet el valyutasi bo‘yicha operatsiyalarga doir 4-5 ta buxgalteriya o‘tkazmalarini yozing.
   
7. 
   Chet el valyutasi bo‘yicha operatsiyalardan olingan moliyaviy natijalar qaysi hisobvaraqlarda hisobga olinadi?
   

14- MAVZU. BANKLARDA MODDIY VA NOMODDIY AKTIVLAR HISOBI


14.1. Asosiy vositalarning turkumlanishi, baxolanishi va hisobga olish
vazifalari

Banklar uchun asosiy vositalar eng muhim moddiy asos bo‘lib, ularning faoliyati bevosita ularga bog‘liq bo‘ladi. Chunki bank faoliyatini amalga oshirishda bank binosi va boshqa asosiy vositalarini shakllantirgandan so‘nggina ish boshlaydilar.

Shu boisdan, banklarda asosiy vositalardan foydalanish va ularning budligini ta’minlash hamda asosiy vositalarining harakatini buxgalteriya hisobi orqali nazorat qilish muhim ahamiyat kasb etadi. SHuning uchun Banklarda foydalanishda bo‘lgan asosiy vositalarning turkumlanishi, qayta baholanishi va ularning buxgalteriya hisobini to‘g‘ri tashkil etish bugungi kunda dolzarb masalalardan biri hisoblanadi. Bu o‘z navbatida, asosiy vositalar to‘g‘risida to‘liq ma’lumot va tushunchaga ega bo‘lishni talab qiladi.

Aсoсий вoситaлaр деб, ишлaб чиқaриш вa нoишлaб чиқaриш сoҳaсидa фoйдaлaнaдигaн, шунингдек, узoқ муддaтли ижaрaгa берилaдигaн вa узoқ муддaт дaвoмидa (бир йилдaн oртиқ) xизмaт қилaдигaн вoситaлaргa aйтилaди.