Banklar guruhi — moliya institutlarining yuridik shaxs bo‘lmagan birlashmasi bo‘lib, bunda asosiy bank boshqa moliya institutlarini nazorat qiladi; bank hisobvarag‘i

Tijorat banklarida qo’llaniladigan hujjatlar va ularning turlari
Tijorat banklari faoliyatida buxgalteriya hisobini to’g’ri tashkil etish muhim ahamiyatga ega, chunki uning puxta yo’lga qo’yilishi bankning o’z vazifalarini to’g’ri bajarishini ta’minlaydi. Buning uchun bankda amalga oshirilgan har bir operastiyaning to’g’ri rasmiylashtirilishi va hujjatlashtirilishi muhim ahamiyatga egadir. Demak, buxgalteriya hisobi usullaridan biri bo’lgan hujjatlashtirish ma’lumotlarning to’g’ri etkazilishida hal qiluvchi o’rin egallaydi.

Hisobga olinishi kerak bo’lgan har bir operastiya ma’lumotlarini o’z ichiga olgan hamda ularning to’g’riligi va qonuniyligini tasdiqlovchi hujjatlar yig’indisi hujjatlashtirish bo’lib hisoblanadi. Buxgalteriya hisobida o’tkaziladigan har bir operastiya hujjatli tarzda amalga oshiriladi.

Har bir hujjat o’z mazmuni va o’tkazilish nuqtai nazaridan rekvizitlariga ega bo’ladi. Bular quyidagilar:

1.Hujjatning to’liq nomi (masalan, hisob-to’lov vedomosti, kirim kassa orderi, memorial order va boshqalar.

2.Hujjatning muddati va uning tartib raqami.
Tomonlarning to’liq nomlari, bank nomi va hisob raqamlari.
Operastiyaning predmeti.
Shartnoma summasi (raqamlar va harflar bilan).
Rahbarning imzosi va korxonaning muhri.
Bank hujjatlariga kelsak, ular asosan
Korxonalar tomonidan rasmiylashtiriladigan hujjatlar
Banklar tomonidan rasmiylashtiriladigan hujjatlarga bo’linadi.⁸
Hujjatlarning asosiy qismi korxona va tashkilotlar tomonidan rasmiylashtirilib, banklarg topshiriladi. Korxona va tashkilotlar tomonidan to’ldiriladigan hujjatlarga asosan naqd pulsiz hisob-kitob bilan bog’liq bo’lgan hujjatlar: to’lov talabnomasi, to’lov topshiriqnomasi, to’lov talabnomasining ro’yxati, cheklar ro’yxati, kassa operastiyalari bo’yicha esa pul topshirish hakidagi hujjat (e’lon) kabilar kiradi. har bir hujjatlarga korxona rahbari va buxgalterining imzolari qo’yilib, ular muxr bilan tasdiqlangan bo’lishi lozim. Bu hujjatlar banklarga korxonaning ma’lum xizmatchisi tomonidan maxsus ajratib ko’yilgan qutilarga solib qo’yish yo’li bilan, yoki aynan shu korxonaga xizmat ko’rsatuvchi mas’ul ijrochiga berish yo’li bilan topshiriladi. hujjatlar mas’ul ijrochi tomonidan shakl va mazmun jihatidan puxta tekshiriladi, shundan so’ng shu hujjatlar asosida ma’lum bir operastiya o’tkaziladi.
Bankka topshiriladigan har bir hujjat xatosiz kompyuterda yoki yozuv mashinkalarida bir necha nusxada to’ldiriladi. Kassa operastiyalari bo’yicha ishlatiladigan hujjatlar bundan mustasno, bunday hujjatlar qo’lda ruchka bilan yozilgan holda to’ldiriladi.
Korxonalar tomonidan topshirilgan hujjatlar bilan ish ko’rish bilan bir qatorda banklarning o’zida ham ma’lum bir hujjatlar rasmiylashtiriladi. Masalan, banklar o’rtasidagi o’zaro aloqalarda ishlatiladigan memorial va boshqa orderlar, kirim va chiqim jurnallari, balansdan tashqari hisoblaridan orderlari, bank xodimlari bo’yicha kirim-chiqim orderlari bank tomonidan rasmiylashtiriladigan hujjatlarga kiradi.
Hujjatlar sodir etiladigan operastiyalarning hajmiga ko’ra:

• oddiy
  

• yig’ma
  

turlarga bo’linishi mumkin.

Oddiy hujjatlarda faqat bitta xo’jalik operastiyasi aks etadi, yig’ma hujjatlarda esa bir necha operastiyalar jamlangan bo’ladi. Oddiy hujjatlarga esa yig’ma to’lov topshiriqnomasi, to’lov talabnomasining ro’yhati, cheklar ro’yhati, yig’ma avizolar, kassa kirim jurnali, kassaning chiqim jurnalini kiritish mumkin.

Bundan tashqari bajariladigan operastiyalarning mazmuniga ko’ra bank operastiyalari bo’yicha barcha hujjatlarni quyidagi guruhga bo’lish mumkin⁹:

1.Naqd pulsiz hisob-kitoblarda ishlatiladigan hujjatlar;

2.Naqd pul bilan bog’liq bo’lgan kassa hujjatlari;
3.Balansdan tashqaridagi schetlar bo’yicha kirim-chiqim hujjatlari.

Ma’lumki har bir xo’jalik yurituvchi sub’ekt o’z pul mablag’larini bankda hisob-varag’ida saqlaydi. U barcha pul bilan bog’liq operastiyalarini mana shu hisob varaqlar orqali o’tkazadi. Pul o’tkazish mijozning topshirig’i yoki mol jo’natuvchi korxonaning to’lov talabnomasi orqali bank xodimlari tomonidan bajariladi. Bu holda naqd pul ishlatilmaydi. Operastiyalar hisob varaqlardan yozuvlar bajarish orqali o’tkaziladi. Shuning uchun bunday operastiyalarda ishlatiladigan hujjatlarni naqd pulsiz hisob-kitoblarda ishlatiladigan hujjatlar guruhiga mansubdir. Bank ish kuni va hujjatlar aylanishini tashkil etish bo’yicha O’zbekiston Respublikasi Markaziy banki tomonidan asosiy talablar ishlab chiqilgan bo’lib, ular quyidagilardir:

- ish kunining birinchi yarmida bankka kelib tushgan barcha hisob-kitob-pul hujjatlari shu kunning o’zida qabul qilinishi, rasmiylashtirilishi va buxgalteriya hisobi hisobvaraqlarida aks ettirilishi lozim. Operastiya kuni tugagandan keyin bankka kelib tushgan hisob-kitob-pul hujjatlari, keyingi ish kunida mijozlarning hisobvaraqlariga kiritiladi.

- operastiya kuni davomida mijozlardan hisob-kitob-pul hujjatlarini bevosita buxgalteriya xodimlarining o’zlari qabul qilib oladilar. Operastiya kunidan tashqari vaqtda hujjatlar bankka maxsus qurilmalar (qutilar) orqali topshirilishi mumkin. Ulardagi hujjatlar kamida har soatda bir marta olinadi;

- operastiyalar hajmini tartibga solib turish uchun har bir bankda doimiy ravishda bankka katta mikdorda to’lov hujjatlari takdim etib turadigan asosiy mijozlardan hujjatlarni qabul qilish grafigi belgilanadi;

- jismoniy shaxslarning (turli badallarni topshiruvchi fuqarolarning, omonatchilarning) hisob-kitob va kassa operastiyalari ushbu operastiyalarni bajaruvchi buxgalteriya xodimlari tomonidan operastiya kuni davomida amalga oshiriladi;

- barcha hisob-kitob-pul hujjatlari bo’yicha talab qilib olinguncha depozit hisobvaraqlaridan amalga oshiriladigan to’lovlar, jumladan byudjetga ajratmalar va ish haqi uchun to’lovlar faqat ushbu hisobvaraqlarda mablag’ bo’lgan taqdirda amalga oshiriladi.

Yuqorida sanab o’tilgan talablarni hisobga olgan holda, har bir bankda mijozlarga xizmat ko’rsatish hamda hujjatlar aylanishi grafigi belgilab qo’yiladi. Unda xo’jalik yurituvchi sub’ektlarga hisob-kitob va kassa xizmatlarini ko’rsatishning aniq vaqti hamda ularga ishlov beruvchi uchastkalardan o’tadigan vaqti ko’rsatiladi. Mijozlarga xizmat ko’rsatish va hujjatlar aylanishi grafigini bank rahbari tasdiqlaydi.

Bank orqali o’tadigan operastiyalarning bir qismi naqd pul ishtirokida amalga oshiriladi. Bunga bankning kirim kassa operastiyalari va chiqim kassa operastiyalari misol bo’la oladi. Bank mijozlarni tomonidan ya’ni naqd pul bilan muomala qiluvchi savdo, maishiy xizmat ko’rsatish, umumiy ovqatlanish va tashkilotlar tomonidan naqd pul tushumini topshirish bilan bog’liq operastiyalar kirim kassa operastiyalari hisoblanadi. Iqtisodiyotning turli tarmoqlariga qarashli bo’lgan korxona, tashkilot va muassasalar ishchi xizmatchilarga ish haqi va unga tenglashtirilgan to’lovlarini to’lash uchun naqd pul oladilar. Bu operastiyalar chiqim kassa operastiyalari bo’lib hisoblanadi. Ushbu operastiyalarda ishlatiladigan hujjatlar naqd pul bilan bog’liq kassa hujjatlari guruxiga mansubdir. Bankda balans ichidagi hisobvaraqlar bilan bir qatorda balansdan tashqari hisob varaqlar ham yuritiladi.

Shunday qilib, tijorat hujjatlarning aylanishi operastiyalarning qonuniyligi, hujjatlarning haqiqiyligi va to’g’ri rasmiylashtirilganligini, hamda ularning hisobda to’g’ri aks ettirilishini tekshirish bilan bog’liq bo’lgan ishlarni o’z ichiga olgan jarayondir. Hujjatlar aylanishi bank operastiyalarning o’z vaqtida to’g’ri va qonuniy tarzda amalga oshirilishda katta rol o’ynaydi.