«Bank va moliya xizmatlari» fakulteti «Bank ishi» kafedrasi

1.2. Malakaviy amaliyot vaqtining taqsimlanishi.

Ilova – 1

№	Bank bo‘limlari nomi	Ajratilgan soat
1.	Banklarni tashkil etilishi, boshqarilishi, tarkibiy bo‘linmalari va ularning faoliyati bilan tanishish.	24
2.	Pul muomalasini tashkil etish bo‘limi.	24
3.	Kredit amaliyotlari bo‘limi (bo‘linmalari).	24
4.	Investitsiyalash faoliyatini tashkil etish bo‘limi (bo‘linmalari)	12
5.	Valyuta operatsiyalari (xalqaro hisob – kitoblar) bo‘limi.	24
6.	Kassa operatsiyalari bo‘limi.	24
7.	Jamg‘arma operatsiyalari bo‘limi.	12
8.	Buxgalteriya hisobi bo‘limi (bo‘linmalari).	24
9.	Avtomatlashtirish bo‘limi.	12
10.	Ichki audit bo‘limi	12
11.	Umumiy bo‘limi	24
12.
	Jami:	216

1 – bo‘lim. Tijorat bank va/yoki filialining faoliyati bilan tanishish.

Tijorat banki va/yoki bank filiali boshqaruvchisi bilan suhbat qilingandan keyin, amaliyotchi bank faoliyatini tashkil etish xususiyatlari, uning tashkiliy tuzilmasi, bo‘limlar va xodimlar o‘rtasidagi majburiyatlar taqsimoti va mijozlarga xizmat ko‘rsatish tartibini o‘rganadi.

Amaliyotchi quyidagi masalalarni ko‘rib chiqishi kerak:

1. 
   Tijorat banklari va/ yoki bank filialini tashkil qilish tartibi.
   
2. 
   Tijorat banki va/yoki bank filialining Nizomi.
   
3. 
   Tijorat banki va/yoki bank filialining tashkiliy tuzilmasi.
   
4. 
   Mijozlarga xizmat ko‘rsatuvchi bo‘limlarining tarkibiy va tashkiliy tuzilmasi.
   

5. Tijorat banklari va ularning filiallarini davlat ro‘yxatidan o‘tkazilishi va tugatilishi tartibi.
Mavzuga oid hujjatlar (hisobotga ilova kilish uchun);
1. Tijorat banki va/ yoki bank filialining Nizomi;
2. Tijorat banki va/yoki bank filialining tarkibiy tuzilmasi sxemasi.
3. Tijorat banklari va ularning filiallarini tashkil etish va tugatishga oid me’yoriy hujjatlar va yo‘riqnomalar.

2 – bo‘lim. Tijorat banki va/yoki bank filialining pul muomalasi bo‘limi faoliyatini o‘rganish.

Amaliyotchilar pul muomalasi bo‘limining faoliyati bilan tanishishlari va tahlil qilishlari kerak. Bo‘lim tomonidan tashkil etilayotgan monitoring ishlarida amaliyotchining ishtirok qilishi maqsadga muvofiqdir. Belgilangan davr ichida quyidagi masalalar ko‘rib chiqiladi:
1. Tijorat banki va/yoki bank filiali tomonidan mijozlardan kassa buyurtmalarini qabul qilish uni umumlashtirish hamda Markaziy bank va uning hududiy Bosh boshqarmalariga taqdim etish tartibi.
2. Tijorat banki va/yoki bank filiali tomonidan naqd pul aylanmasini tartibga solish va naqd pulga bo‘lgan talabning o‘rnatilgan muddatlarda qondirilishi bo‘yicha ishlarning tashkil etilishi holati.
3. Pul muomalasi bo‘limi tomonidan beriladigan hisobotlarni tayyorlash va taqdim etish tartibini o‘rganish.
4. Tijorat banki va/yoki bank filialida naqd pul aylanmasini tashkil etish yuzasidan monitoring ishlarining tashkil etilishi xususiyatlari.
Mavzuga oid hujjatlar (hisobotga ilova qilish uchun);
1. Kassa buyurtmasi (to‘ldirilgan va tegishli izohlar berilgan holda);
2. Naqd pul aylanmasi bo‘yicha joriy va davriy hisobotlar;
3. Mijozlarga qonunchilikda ko‘zda tutilgan maqsadlarga naqd pul berish yuzasidan rasmiylashtirilgan hujjatlar.