Банк маркетинг стратегиясининг назарий асослари

БТС янги моделларининг афзалликлари: 
- мижозларга хизмат кўрсатиш ва хизматларни сотишнинг сифатан 
янги усуллари ҳисобига рақобатбардошлик позициясининг кучайиши; 
- бошқарув тизими қайишқоқлигининг таҳминланиши. 
БТС янги моделларининг камчиликлари: 
- бозорда фаолият олиб бораётган банклар учун – БТС нинг янги 
моделларига ўтиш даврида ишлаб чиқариш – молиявий фаолиятда юзага 
келадиган камчиликлар натижасида салбий оқибатларнинг келиб чиқиши (бу 
ўтиш моделларидан биридан фойдаланишни тақозо қилади); 
Изоҳ: бошқар тармоқларнинг (саноат, хизмат кўрсатиш соҳаси ва 
х.к.) хўжалик субъектларидан фарқли тарзда банк ўз фаолиятини тубдан 
қайта ташкил қилиш учун бозордаги фаолиятини вақтинчалик тўхтата 
олмайди.
- тор функционал ихтисослашувдан воз кечилиши туфайли алоҳида 
олинган банк хизматлари сифатининг вақтинчалик пасайиши; 
Изоҳ: бу камчилик мижозларга хизмат кўрсатишнинг сифатан янги 
даражаси ва бозорга банк махсулотларини киритишнинг янги 
механизмларини жорий қилиш орқали қопланиши зарур.
- бошқарув тизимининг методологик мураккаблашуви. 
Изоҳ: олий даражали рақобат кураши шароитида истеъмолчи 
манфаатлари сотувчи манфаатларига нисбатан устувор ҳисобланади. 
БТС янги моделларининг квалификацияси: 
А) ўтиш типидаги БТС лар:
- хизмат гуруҳлари бўйича БТС лар; 
- БТС нинг матрицали модели. 
Б) инновацион типдаги БТС лар; 
- мижозлар гуруҳлари бўйича БТС лар; 

---

- БТС нинг дивизион модели. 
БТС аниқ моделининг танланишига таъсир ўтказувчи омиллар: 
- банк тарихи (БТС нинг анъанавий моделига эга бўлган банклар ўтиш 
моделларидан биридан фойдаланишга мажбур); 
- банкни бошқаришнинг корпоратив маданияти даражаси (масалан, 
унинг йўқлиги БТС нинг матрицали моделини жорий қилиш имкониятини 
бермайди); 
- банкнинг доимий мижозлари салмоғи (бу мижозлар гуруҳи бўйича 
БТС нинг жорий қилинишида бош аҳамият касб қилади); 
- банк ҳажми ва филиаллар тармоғининг мавжудлиги (у БТС нинг 
дивизион моделининг танланишига олиб келиши мумкин); 
- банк ихтисослашуви (масалан, тор ихтисослашувга эга банкда 
мижозлар гуруҳи бўйича БТС нинг жорий қилиниши мақсадга мувофиқ 
эмас); 
- ишлаб чиқариш ва бошқарув ходимларининг малакаси (у исталган 
бошқарув инновацияларининг жорий қилиниши суръатлари ва натижаларига 
бевосита таъсир қилади); 
- бўш молиявий ресурсларнинг миқдори (уларнинг мавжудлиги, 
жиддий салбий оқибатларсиз банкни қайта ташкил қилиш жараёнини 
узайтириш имкониятини беради); 
- бозор ва унинг тегишли сегментларининг жорий конъюктураси 
(унинг ёмонлашиб бориши даврида исталган ички ўзгартиришлар мақсадга 
мувофиқ эмас).