Bakalavr bitiruv ishi mavzu: «unix va Windows operatsion tizimlarining parolli himoyasini buzish va ularni qayta tiklash usullari»

Xulosa

Ushbu bitiruv malakaviy ishini bajarish davomida UNIX hamda Windows operatsion tizimlarida parolli himoyani buzish usullari tahlil qilingan va amalda bajarilgan. Bu ikki operatsion tizimlarning bartaraf etib bo’lmas kamchiligi shundaki ushbu operatsion tizimlarni buzishni amalga oshirish unchalik ham qiyinchilik tug’dirmaydi. Masalan, Windows operatsion tizimini olsak birgina oddiy usullardan biri LiveCD orqali cmd oynasini ochishimiz mumkin va u yerda yangi user yaratish imkoniyati mavjud. Aynan yuqorida tanlangan ikki operatsion tizimlardan dunyoda, jumladan yurtimizda ham foydalanuvchi korxona yoki tashkilotlar yetarlicha topiladi. Bu muassasalarda axborot xavfsizligini ta’minlashda esa yuqoridagi operatsion tizimni buzib kirishdek kamchiliklar halaqit beradi.

Hozirgi kunda axborot texnologiyalarini rivojlantirish yo`lida misli ko’rilmagan ishlar amalga oshirilmoqda. Ushbu yo’nalishdagi oliy ta’lim muassasalarida ham sohani yuksaltirish maqsadida izlanib, dasturlashga, xavfsizlikka oid texnologiyalarni o’z vaqtida bo’lajak kadrlarga orgatilib borilmoqda. Xususan, ushbu bitiruv malakaviy ishida ham operatsion tizimlardagi zaifliklarni o’rganib, ularni buzish haqida ko’plab bilimlarga ega bo’lindi va buzish amalga oshirildi. Bu bilimlar kelgusida albatta qo’l keladi, chunki dasturlash orqali faqatgina operatsion tizim emas balki, har qanday tizim yaratmoqchi bo’lganimizda, albatta yuqoridagi kamchiliklarga yo’l qoymasligimiz kerak. Chunki bunday kamchiliklar faqat operatsion tizimda bo’maydi. Keyinchalik ham ushbu bitiruv malakaviy ishini takomillashtirish maqsadga muvofiq bo’ladi. Chunki har qanday tizim mukammal xavfsizlikka ega bo’lmaydi. Bu esa bizning faoliyatimizga zarar yetkazishi mumkin.