Бахтсиз ҳодисаларда шикастланганларга биринчи тиббий ёрдам кўрсатилишига оид ЙЎРИҚнома в-1

Навоийкон-металлургиякомбинати




Бахтсиз ҳодисаларда шикастланганларга биринчи
тиббий ёрдам кўрсатилишига оид
ЙЎРИҚНОМА
В-1

г. Навои
ТАСДИҚЛАНГАН: ТАСДИҚЛАЙМАН:

НТМК касаба уюшмаси НТМК бош муҳандиси
Қўмитаси Қарори билан, E. А. Толстов
61-15- баён, 16.01.97 й 16.01. 97 й


Бахтсиз ҳодисаларда шикастланганларга биринчи тиббий ёрдам кўрсатилишига оид
ЙЎРИҚНОМА
В-1

1. 
   Умумий қоидалар
   

Биринчи тиббий ёрдам – бу, шикастланувчи ҳаёти ва соғлигини тиклаш ёки сақлаш учун йўналтирилган, тиббий ходим бўлмаган ишловчилар (ўзаро ёрдамни) ёки шикастланувчилар ўзлари (ўз- ўзига ёрдамни) амалга оширадиган тадбирлар мажмуидир. Биринчи тиббий ёрдам кўрсатишнинг асосий қоидаларидан бири унинг зудлигидадир, у қанча тез амалга оширилса, ижобий натижалар шунчалик юқори бўлади. Шунинг учун бундай ёрдамни ўз вақтида шикастланган ёнидаги киши кўрсатиши лозим.

Бахтсиз ҳодисада шикастланувчига биринчи тиббий ёрдам кўрсатишда муваффақият шартларидан асосийлари: босиқлик, топқирлик, чаққонлик, ўзи- ўзига ёрдамни ёки ўзаро ёрдамни билиш ва уддалаш ҳисобланади.
Корхоналарнинг ҳар бир ишловчиси ўз касбий вазифасини бажаргандек ёрдам кўрсатишни ҳам юқори малака билан бажара олиши лозим.


Ёрдам кўрсатувчи қуйидагаларни билиши лозим:

-қон айланиш тўхтаганда бош мия зарарланади, томирларда оқувчи қонлар билан келадиган кислород бўлмаса унинг яшовчанлиги 3-5 минутни ташкил этади. Шу сабабли шикастланувчини тирилтириш, тадбирларини зудлик билан қўллаш;

-инсон организми ҳаётий муҳим функциялари бузилишининг асосий белгиларини:
-биринчи ёрдам кўрсатиш ва унинг усулларини, шикастланувчининг жароҳатланиш турига қараб, қўллашнинг умумий тарзларини;
-шикастланувчини кўчириш ва эвакувация қилишнинг асосий усулларини;