Бадиий гимнастика бґйича кичик ёшдаги болалар билан машІулот олиб бориш методикаси

Машқлар узвийлиги
Копток полга икки қўллаб отилади. Коптокни ҳар бир отишдан кейин уни кафтда тутиб олинади.
Кейин машқ бир қўллаб бажарилади.
Дастлабки ҳолат: оёқлар керилган ҳолатда, қўллар ён томонда, копток ўнг қўлда, копток бош устидан бошқа қўлда камон шаклида пастга отилади.
Дастлабки ҳолат: қўллар ёнбошда. Копток чап қўлда. Ўнг оёқни олдига букиб, копток оёқ остига отилади ва ўнг қўл билан тутилади. Кейин қўл билан ҳам шундай қилинади.
Дастлабки ҳолат: 2 метр оралиғида бир-бирига қараб жуфт-жуфт ҳолатда турилади. Копток жуфтларнинг бирида бўлади. Жуфтлар коптокни аввал икки сўнг бир қўллаб бурчакка отади.
Дастлабки ҳолат: бу машқ ҳам шундай бажарилади, фақат копток жуфтликнинг ҳар иккаласида ҳам бўлади.
Дастлабки ҳолат: оёқлар ораси очилган ҳолатда, ўнг қўл копток билан олдинда, чап қўл ён тарафда. Копток бурчак тарафга отиб, бир айланиш билан чап қўлда тутилади. Худди шу ҳаракат бошқаси билан амалга оширилади.
Дастлабки ҳолат: ўнг қўл копток билан олдинда, чап қўл белда. Бир неча бор копток отилади. Сўнг ҳаракат навбатдаги қўл билан бажарилади.
Дастлабки ҳолат: аввал ўнг кейин чап қўлда копток навбатма-навбат полга отилади.
Дастлабки ҳолат: копток полга кафт, мушт ва тирсакда аввал ўнг, кейин чапда навбат билан отилади.
Дастлабки ҳолат: коптокни яна шундай отиб 360⁰ айланиш билан чап қўлда тутилади. Кейин ҳаракат бошқа қўлда давом эттирилади.
Дастлабки ҳолат: иккала қўлда ҳам копток ва уларни бир вақтда полга отиб ҳар бир қўлда тутиб олиш.
Дастлабки ҳолат: иккала қўлдаги коптокларни бурчак остида отилади ва ўнг қўлдаги копток чап қўл билан чап қўлдагиси эса ўнг қўл билан тутишга ҳаракат қилинади.
Копток юмалатишлар. Копток юмалатишни полда ва тананнинг турли қисмида бажариш мумкин (қўлда, оёқда, орқада, кўкракда ва бошда). Юмалатишлар силкинишларсиз равон бўлиши керак. Коптокнинг полда юмалаши учун панжаларнинг енгил турткиси ҳаракат ва йўналиш беради. Уни кутиб олиш ҳам тагига қўл қўйиб, панжалар билан амалга оширилади.Тўпни қўлда ёки тананинг бошқа қисмида юмалата туриб ё аниқ нуқтада тўхтатиш ё бўлмаса ерга тушиши билан тутиб олиниши керак. 5-6 ёшли болалар тўп юмалатишни икки кафтда қисиб, панжалари ёрдамида бажаришлари мумкин: кафтининг бири тўп устида, иккинчиси эса остида, қўл тирсак бўғимидан бироз букилган ҳолатда. Айланма ҳаракат ичкари ёки ташқаридан амалга оширилади. Бунинг учун панжа айланадиган копток атрофида қўл ажралмаган ҳолда ҳаракатлантирилади.