Бадиий гимнастика бґйича кичик ёшдаги болалар билан машІулот олиб бориш методикаси

Машқлар узвийлиги
Дастлабки ҳолат: шуғулланувчилар икки қаторга бўлиниб, икки метр оралиқда бир-бирига юзма-юз ҳолда товонга ўтиришади, ўнг томондагиларнинг ҳар бирида копток. Тўп полда жуфтига юмалатилади.
Дастлабки ҳолат: товонга ўтирилади, ўнг қўл ён бошда, чап қўл тўп билан полда. Копток полда ўнг томонга юмалатилиб, ўнг қўл билан тутилади ва ҳаракат орқага қайтарилади.
Дастлабки ҳолат: оёқ букиб ўтирилади, копток полда, чап томонда. Оёқ остидан ўнг қўлга юмалатилади, кейин чапга.
Дастлабки ҳолат: чўққайиб ўтирилади. Қўллар пастда, ўнгида копток. Тўп пол билан олдга юмалатилади, ростланиб, тўп ортидан югурилади ва аввалги ҳолатда тўхтатилади.
Дастлабки ҳолат: тўп полда, ўнг томонда. Эгилиб, тўп полда, ўнг оёқ атрофида юмалатилади.
Дастлабки ҳолат: қўллар олдинда, копток кафт сиртида. Қўл баландга равон кўтарилади ва тўп кўкраккача юмалатилади, кейин қўллар ён томонга ёзилади ва копток ерга тушиб қайтгач кафтнинг сирти билан ушланади.
Дастлабки ҳолат: орқага тиралиб ўтирилади, копток оёқларнинг кафтдан болдир бошланиш жойида. Оёқлар кўтарилиб, копток гавдага қараб юмалатилади, кейин оёқлар туширилади ва икки қўллаб аввалги ҳолга қайтилади.
Дастлабки ҳолат: қўллар олдида, копток кафтларда. Қўллар олд-юқорига кўтарилиб, туп кўкраккача юмалатилади, кейин, қўллар олд-пастга туширилиб, тўп кафтларга қайтариб юмалатилади.
Дастлабки ҳолат: шунга ўхшаш. 8-машқ бажарилади, фақат бироз юқорига сакралади.
Кафтларнинг ички ва ташқи томонларида коптокни юмалатиш.
Коптокни айлантириш. Бу анча қийин ҳаракат бўлиб, яхши координация ва қўл учи бўғимларининг юқори даражада қўзғалувчанлигини талаб қилади.
Тўпни айлантиришга йўналиш ичкари ва ташқаридан бўлади, ҳаракат эса вертикал ва горизонтал яссиликда содир бўлади. Айлантириш ярим ўтирган ҳолда шошилмасдан қўлни бирга ва равон айлантириш билан бажарилади. Қўл копток билан ярим айлана шаклида ҳаракат қилади, копток машқ давомида кафтда бўлиб, у сиқилмайди ва билакка теккизилмайди. Айлантириш коптокни бироз юқорига отиш билан тугаши мумкин.