B. S. Abdullaeva tdpu ilmiy ishlar va innovatsiyalar bo‘yicha prorektor

“Mening fazilatim” metodikasi 
Metodikani maqsadi:
xulqida salbiy o‘zgarish kuzatilgan bolani biror bir ko‘zga 
ko‘rinmaydigan bo‘lsada hislati (mehribonligi, sahiyligi, rostguyligi) ni bo‘rttirib ko‘rsatish va 
unga nisbatan ijobiy – maqtov so‘zlarni bildirish orqali insoniy sifatlari mavjud ekanligiga o‘zi va 
o‘rtoqlarini ishontirish orqali salbiy xulq atvorini bartaraf etishdan iborat. 
Ma’lumki, bola tabiati o‘zi haqida maqtov so‘zlarni eshitishni yoqtiradi. Bolaning u yoki bu 
sifatlari, qobiliyatiga salgina ortiqcha baho berilsa, bu holat bolada yoqimli hislarni uyg‘otadi. 
Ayni vaqtda ular haqiqatga mos kelmasligi bolaning o‘zi tomonidan yaxshi anglanadi, ammo bu 
holat bola ruhiyatiga ijobiy ta’sir ko‘rsatadi. Garchi, maqtov so‘zlar yordamida bolada mavjud 
bo‘lgan ijobiy xususiyatlar biroz bo‘rttirib ko‘rsatilsa-da, biroq bu holat shaxslararo 
munosabatlarda “iliqlik”ni yuzaga keltiradi.
Bolaning kamchiliklarini ko‘rsatavergandan ko‘ra unga xos bo‘lgan ayrim sifat yoki 
qobiliyatga bir-ikki marta urug‘ berish uning ichki imkoniyatlarini ro‘yobga chiqarish, ulardan 

---

390 
samarali foydalanishga turtki beradi, uni oldinga qarab harakatlanishga chorlaydi. Bu holat 
ruhiy zo‘riqishlarni bartaraf etishda nihoyatda qo‘l keladi, bolalar o‘rtasidagi ziddiyatlarning 
oldini oladi.
Metodikaning texnologik loyihasida quyidagi bosqichlar aks etadi: 
1-bosqich. Guruhda bolalar yoki tarbiyachi tanloviga ko‘ra ular orasidan bitta bolani 
tanlanadi (salbiy hulqli bola). 
2-bosqich. Guruh tarbiyalanuvchilari ana shu bolaga xos bo‘lgan ijobiy sifatlarni 
sanaydilar. 
3-bosqich. Pedagog-tarbiyachilar bolaga murojaat qilib, o‘rtoqlari unga nisbatan har bir 
yoqimli so‘z aytilayotganda nimalarni his etganligini so‘zlab berishni so‘raydi. 
4-bosqich. Sinaluvchi bola o‘z taassurotlarini tengdoshlari bilan o‘rtoqlashadi. 
5-bosqich. Pedagog metodikaga yakun yasab, ijobiy sifatlarning inson ruhiyatiga ijobiy 
ta’siri haqida qisqacha ma’lumotlar berib o‘tadi.