Б. Ходиев, И. Саифназаров. "Маънавият асослари. Диншунослик" фанидан талабаларга "мустақил таълим" бўйича услубий қўлланма Тошкент: Иқтисодиёт, 2017 йил, 15 бет

Альбомнинг титул вароғи қуйидагича расмийлаштирилади (намуна илова этилади):

1. 
   Олий таълим муассасаси номи
   
2. 
   Факультет номи
   
3. 
   Кафедра ва фаннинг номи
   
4. 
   Мустақил иш мавзуси
   
5. 
   Бажарувчи
   
6. 
   Қабул қилувчи
   

Альбом учун тавсия этиладиган мундарижа:

1. 
   Кириш (Оила ҳақида қисқача аннотация)
   
2. 
   Талабанинг ўз оиласининг тарихи, шажараси ҳақида маълумоти.
   
3. 
   Ота-онасининг ибратли ҳаёт йўли ҳақида.
   
4. 
   Оила аъзоларининг касбу-кори, қарашлари ва ҳакозолар тўғрисида талабанинг фикрлари.
   
5. 
   Хулоса.
   

МУСТАҚИЛ ИШНИ ТАҚДИМОТ ШАКЛИДА
ҚАБУЛ ҚИЛИШ ТАРТИБИ, МАЗМУНИ ВА
РАСМИЙЛАШТИРИШ ТАРТИБИ
Мустақил иш оғзаки шаклда тақдим этилади. Бунда талабалар оилалари тўғрисидаги маълумотларини, ота-онасининг шахсий фазилатлари, ака-ука, опа-сингилларига бўлган меҳру-муҳаббатларини изҳор қилиши мумкин, ўзларининг болалик орзуларининг рўёбга чиқишида оилавий муҳитнинг ўрнини кўрсатиб бериши лозим бўлади. Мустақил иш мазмунли, ифодали, аниқ ва лўнда тилда тушунтириб берилиши керак. Оғзаки жавоблари хулоса ва таклифлар билан якунланиши керак.
Мустақил иш мавзусининг долзарблиги, мақсади, вазифаси билан биргаликда тадқиқот натижаларининг назарий ва амалий аҳамияти ёритиб берилиши керак.
Мустақил иш тақдимоти дарс ўтиладиган тилда тайёрланиши ва ҳимоя қилиниши мумкин.
Мустақил ишни ҳимоя қилишда тайёрланган альбом мавзунинг мазмунини тўлиқ ёритилишига эътибор қаратилиши керак: матнда кетма-кетлик бузилмаслиги ва изчилликка риоя қилиниши шарт. Матнда янги фикрни ифодалайдиган жумлалар абзацдан ёзилади. Агар бирор манбадан мисоллар келтирилса, албатта уларнинг манбаси (ҳавола) саҳифанинг энг пастки қисмида чизиқ тагида сатр бошидан ёзилади. Агар бир нечта манба келтирилса, ҳаволалар тартиб рақами билан кўрсатилади.
Мустақил иш тайёр рангли альбом ёки тақдимот усулида тайёрланиши мумкин. Мустақил иш матнини компьютер воситасида босиб чиқаришда Мiсrоsоft Wоrd матн редакторидан фойдаланиш тавсия қилинади. Тақдимот усулидаги слайдлар Power Point дастурида амалга оширилади. Берилган расм, сурат тагида шарҳлар ёзилиши керак.