Б. Ходиев, И. Саифназаров. "Маънавият асослари. Диншунослик" фанидан талабаларга "мустақил таълим" бўйича услубий қўлланма Тошкент: Иқтисодиёт, 2017 йил, 15 бет

МУСТАҚИЛ ИШГА ҚЎЙИЛАДИГАН АСОСИЙ ТАЛАБЛАР:

1. 
   Оила хақида умумий тушунча бериш, мамлакатимизда ёшларни ватанпарварлик, миллий анъана ва қадриятларимизга ҳурмат руҳида тарбиялаш, маънавий етук ва жисмонан соғлом баркамол авлодни вояга етказишда оиланинг ролини кўрсатиш;
   
2. 
   Ўз оилангизнинг таркиби , шажаранггиз хақида маълумот;
   
3. 
   Оилада ота-онанинг, бобо – буви, ака – ука,опа – сингил, амаки – тоға, амма – хола каби яқин кишиларнинг ўрни ва ролини кўрсатиш, ўзининг уларга бўлган муносабатини чиройли таърифлаш;
   
4. 
   Ота-она шахсий фазилатларининг фарзандлар тарбиясидаги аҳамиятини кўрсатиш;
   
5. 
   Оиланинг маънавий етук фарзандларни вояга етказишдаги ибратли жиҳатлари;
   
6. 
   Оиладаги маънавий-ахлоқий муҳитнинг жамият ривожидаги аҳамиятини кўрсатиб бериш;
   
7. 
   Мустаҳкам оила бўлишнинг муҳим омиллари ҳақидафикр билдириш;
   
8. 
   Оилангиздаги тўй томошалар, юбилейлар,туғилган кунлар ва бошқа тантана байрамлар ҳақида рангли тасвирлар ҳамда уларга шарҳлар ёзиш;
   

Мустақил ишни бажариш тартиби:
Талаба ўз оиласининг турмуш-тарзини, ота-онасининг, ака-ука, опа-сингиллари ҳаётий фаолиятини тўлиқ қамраб олган матнли, кўргазмали тасвир: расм, сурат ва иллюстрациялар билан безатилган, ҳар бир расмга изоҳлар берилган альбом - тақдимот тайёрлайди. Альбом талабанинг шахсий мулки ҳисобланади. Шу боисдан, уни аввало, ўз оиласида, сўнгра ўзи ўқиётган гуруҳида тақдимотини ўтказиши керак. Кафедрада талабаларнинг мустақил ишлари кўргазмаси ҳамда факултет миқёсида ушбу маву бўйича баҳс мунозара шаклида маънавий - маърифий тадбир ташкил этилиши мақсадга мувофиқ.
АЛЬБОМ ТАЙЁРЛАШ ТАРТИБИ
Талабалар альбомни тайёрлашда ўз оилалари ҳақида шахсий фикрларидан иборат бўлган турли таърифларни, халқ мақолларини, шеърларни, Ҳадислардан намуналарни ҳаётий мисоллар билан боғлаган ҳолда келтириши керак. Ота-оналарининг ибратли жиҳатларини, маънавий-ахлоқий сифатларини алоҳида таъкидлаб ўтишлари лозим.