B abdullayeva, M. Usmonbayeva, O’. Asqarova, F. Ehsonova, S. Hakimov

 
Ta’lim  tizimini  boshqaruvchi  vakolatli  davlat  organi 
–  muayyan  davlatda 
qonunchilik  asoslariga  ko’ra  ta’lim  tizimini  boshqarish,  ta’lim  muassasalari 
faoliyatiga  rahbarlik,  nazorat  va  tahlil  qilish  huquqi,  vakolatiga  ega  bo’lgan  ijro 
etuvchi  davlat  hokimiyati  va  mahalliy  o’z-o’zini  boshqarish  organi.  O’zbekistonda 
respublika  Vazirlar  Mahkamasi,  Oliy  va  o’rta  maxsus,  kasb-hunar  ta’limi  Vazirligi, 
Xalq  ta’limi  Vazirligi,  Respublika  Test  markazi,  Fan  va  texnologiyalar  Qo’mitasi, 
Respublika  Ta’lim  markazi,  Xalq  ta’limi  hamda  Oliy  va  o’rta  maxsus  kasb-hunar 
ta’lim Bosh, viloyat, tuman va shahar boshqarmalari, viloyat, tuman va shahar Xalq 
ta’limi  bo’limlari,  Xalq  deputatlari  viloyat  va  tuman  hokimliklari  ta’lim  tizimini 
boshqaruvchi  vakolatli  davlat  organlari  sanaladi.  Ushbu  organlar  quyidagi 
vakolatlarga  egadilar:  ta’lim  sohasida  yagona  davlat  siyosatini  ro’yobga  chiqarish; 
ta’lim  muassasalari  faoliyatini  muvofiqlashtirish  va  uslubiy  masalalarda  ularga 
rahbarlik  qilish;  DTS,  mutaxassislarning  bilim  saviyasi  va  kasb  tayyorgarligiga 
bo’lgan  talablar  bajarilishini  ta’minlash;  o’qitishning  ilg’or  shakllari  va  yangi 
pedagogik  texnologiyalarni,  ta’limning  texnik  va  axborot  vositalarini  o’quv 
jarayoniga joriy etish; o’quv va o’quv-uslubiy adabiyotlarni yaratish va nashr etishni 
tashkil  qilish;  ta’lim  oluvchilarning  yakuniy  davlat  attestatsiyasi  va  davlat  ta’lim 
muassasalarida  eksternat  to’g’risidagi  Nizomlarni  tasdiqlash;  davlat  oliy  ta’lim 
muassasasining  rektorini  tayinlash  to’g’risida  O’zbekiston  Respublikasi  Vazirlar 
Mahkamasiga takliflar kiritish; pedagog xodimlarni tayyorlashni, ularning malakasini 
oshirishni  va  qayta  tayyorlashni  tashkil  etish;  qonun  hujjatlariga  muvofiq  boshqa 
vakolatlarga egalik qilish. 
Ta’lim tizimini boshqarishda mahalliy davlat hokimiyati organlari ham ishtirok 
etadi.  Mahalliy  davlat  hokimiyati  organlarining  ta’lim  tizimini  boshqarishdagi 
vakolatlari quyidagilardan iborat: ta’lim muasssasalari faoliyatining mintaqalarni ijtimoiy-
iqtisodiy  rivojlantirish  ehtiyojlariga  muvofiqligini  ta’minlash;  ta’lim  muassasalarini 
tashkil, qayta tashkil etish va tugatish (respublika tasarrufida bo’lgan muassasalar bundan 
mustasno),  ularning  ustavlarini  ro’yxatga  olish;  o’z  hududlaridagi  ta’lim  muassasalarini 
vakolat  doirasida  moliyalash  miqdorlari  va  imtiyozlarini  belgilash;  ta’lim  sifati  va 
darajasiga,  shuningdek,  pedagog  xodimlarning  kasb  faoliyatiga  bo’lgan  davlat 
talablariga rioya etilishini ta’minlash; qonun hujjatlariga muvofiq boshqa vakolatlarni 
amalga oshirish.