B abdullayeva, M. Usmonbayeva, O’. Asqarova, F. Ehsonova, S. Hakimov

Pedagogik  kadrlar  mehnatiga  haq  to’lash 
–  pedagog  kadrlarning  kasbiy 
faoliyati,  mehnati  uchun  ta’lim  muassasasi  tomonidan  to’lanadigan  ish  haqi.  Ta’lim 
muassasalarida  pedagogik  kadrlar  mehnatiga  haq  to’lash  va  ularni  moddiy 
rag’batlantirish O’zbekiston Respublikasining “Mehnat Qonuni” talablari va kontrakt 
shartlariga  muvofiq  amalga  oshiriladi.  Lavozim  maoshlari,  ta’rif  stavkalari  pedagog 
va  boshqa  xodimlarning  tegishli  malaka  toifalari  uchun  kafolatlangan  eng  kam  ish 
haqi  (barcha  turdagi  I  bosqich  umumiy  ta’lim  maktablari  o’qituvchilarining  haftalik 
dars soati – 14 soat, II-III bosqich maktablarida – 16 soat). 
Malaka  toifalari  “Rahbar  va  pedagog  kadrlarni  attestatsiyadan  o’tkazish  va 
ularga  malaka  toifalari  berish  tartibi  to’g’risida”gi  (2005  yil  30  dekabr)  Nizomga 
muvofiq maktabning barcha xodimlarini attestatsiyadan o’tkazish jarayonida beriladi. 

---

 
159 
Ta’lim  muassasalarida  lavozim  maoshlari  (stavkalari)ga  kasb  mahorati,  mehnatda 
erishgan  yutuqlari,  alohida  muhim  ishlarni  bajargani  uchun  va  bir  yo’la  bir  necha 
kasbda  ishlagani  uchun  mablag’larni  tejash  va  maktab  fondi  hisobidan 
tabaqalashtirilgan  qo’shimcha  haq,  ustamalar  berilishi  mumkin.  Qo’shimcha  haqlar 
joriy  etish,  pedagog  va  boshqa  xodimlarni  mukofotlash  shartlari,  tartibi  umumiy 
ta’lim  maktablarida  Maktab  kengashi  (Pedagogik  kengash),  o’rta  maxsus  ta’lim 
muassasalarida Pedagogik kengash va oliy o’quv yurtlarida Ilmiy kengash tomonidan 
belgilanadi. 
I bosqich kam sonli maktablarning pedagoglariga, kuni uzaytirilgan guruhlariga, 
shuningdek,  tanlov  bo’yicha  yoki  fakultativ  (davlat  tomonidan  haq  to’lanadigan) 
mashg’ulotlar  uchun,  o’quvchilarning  sonidan  qat’iy  nazar,  faqat  alohida  sinf  yoki 
guruh  o’quvchilari  uchun  o’tilgan  soatlar  miqdoriga  qarab  ish  haqi  to’lash  amalga 
oshiriladi.