B abdullayeva, M. Usmonbayeva, O’. Asqarova, F. Ehsonova, S. Hakimov

 
 
Pedagogik  ijod
  –  pedagogning  kasbiy  jarayonni  samarali  tashkil  etishga 
yo’naltirilgan yaratuvchanlik faoliyati.  
 
Pedagogik  ilmiy-tadqiqot  metodlari
  –  pedagogik  hodisa,  voqelik,  jarayonlar 
ichki  mohiyati,  qonuniyatlarini  o’rganish,  shaxsni  tarbiyalash,  unga  muayyan 
yo’nalishlarda  chuqur, puxta  ilmiy  bilimlarni  berishda  samarali  bo’lgan  obyektiv  va 
subyektiv omillarini aniqlash maqsadida tashkil etiladigan ilmiy-amaliy qiymatga ega 
ilmiy  izlanish  usullari.  Suhbat,  anketa,  test,  intervyu,  pedagogik  tahlil,  pedagogik 
kuzatish,  hujjatlarni  tahlil  qilish  (ta’lim  muassasasi  hujjatlarini  o’rganish),  bolalar 
ijodini  o’rganish,  modellashtirish,  pedagogik  tajriba,  matematik-statistik    metodlar 
pedagogik  tadqiqot  metodlari  sirasiga  kiradi.  Pedagogik  ilmiy  tadqiqotlarni  amalga 
oshirish  murakkab  jarayon  bo’lib,  bu  jarayon  o’zida  aniq  maqsadni  ko’zlash, 
izchillik, uzluksizlik, tizimlilik kabi xususiyatlarni namoyon qiladi.