B abdullayeva, M. Usmonbayeva, O’. Asqarova, F. Ehsonova, S. Hakimov

 
Maktab kengashi 
–
 
maktab jamoasining konferensiyalari (umumiy yig’ilishlari) 
oralig’ida    maktabning  yuqori  o’z-o’zini  boshqarish  organi.  Maktab  direktori 
pedagogik  kengashning  raisi  hisoblanadi.  Maktab  kengashi  maktab  ma’muriyati, 
o’qituvchilar va o’quvchilar jamoat tashkilotlari bilan yaqin aloqada ish olib boradi. 
Uning barcha qarorlari o’z vaqtida maktab jamoasi, ota-onalar (yoki ularning o’rnini 
bosuvchi  shaxslar)  va  jamoatchilikka  ma’lumot  uchun  yetkaziladi.  Mazkur  kengash 
tarkibiga pedagog xodimlar, II va III bosqich o’quvchilar, ota-onalar (ularning o’rnini 
bosuvchi shaxslar) va jamoatchilik vakillari kiradi. Kengashdagi vakillik normasi va 
Kengash  tarkibining  umumiy  soni  konferensiya  tomonidan  belgilanadi.  Odatda 
navbatdagi  saylovlarda  Kengash  tarkibining  kamida  uchdan  bir  qismi  yangilanadi. 
Umumiy  ta’lim  maktabi  direktori  lavozimi  bo’yicha  Maktab  kengashining  raisi 
hisoblanadi.  Kundalik  masalalarni  hal  qilish  uchun  Maktab  kengashi  o’z  tarkibidan 
byuro, bahsli masalalar va taftish komissiyalarini saylashi mumkin. Kengash bir yilda 
kamida  4  marta  yig’iladi.  Uning  a’zolari  o’z  vazifalarini  jamoatchilik  asosida 
bajaradi.  Maktab  jamoasi  konferensiyasi  o’z  a’zolarini  muddatidan  oldin  kengash 
tarkibidan  chiqarishi  mumkin.  Bordi-yu,  Maktab  kengashi  yig’ilishida  Kengash 
a’zolarining  kamida  uchdan  ikki  qismi  qatnashsa  va  qatnashchilarning  uchdan  ikki 
qismi ovoz bergan bo’lsa uning qarori qonuniy hisoblanadi. Maktab kengashining o’z 
vakolati  doirasida  va  respublika  qonunchiligi  asoslariga  mos  ravishda  qabul  qilgan 
qarorlarini  bajarish  ma’muriyat  va  maktab  jamoasining  barcha  a’zolari  uchun 
majburiydir.  Kengashning  har  bir  a’zosi  kiritgan  har  qanday  taklif,  agar  bu  taklifni 

---

 
124 
Kengash  a’zolarining  uchdan  bir  qismi  qo’llab-quvvatlasa,  mazkur  taklifning 
muhokama  qilinishini  talab  etishi  mumkin.  Maktab  kengashi  bilan  ma’muriyat 
o’rtasida  yuzaga  kelgan  munozarali  masalalar  maktab  jamoasi  konferensiyasi 
(umumiy  yig’ilishi) yoki xalq ta’limi muassasalari faoliyatini metodik  ta’minlash va 
tashkil etish tuman (shahar) bo’limi kengashida hal qilinadi. O’quv-tarbiya jarayonini 
rivojlantirish  va  takomillashtirish  o’qituvchi,  tarbiyachilarning  kasb  mahoratlari, 
ijodiy  salohiyatini  oshirish  maqsadida  pedagog  xodimlarni  birlashtiruvchi  maktab 
Pedagogika kengashi – hayat organi tashkil etiladi. 
U  quyidagi  vakolatlarga  ega:  maktab  jamoasi  konferensiyasi  qarorlari 
bajarilishini  tashkil  etish;  maktab  jamoa  a’zolarining  takliflari  va  tanqidiy  fikr-
mulohazalarining  qanday  amalga  oshirilayotganligini  nazorat  qilish;  maktabni 
rivojlantirish  rejasini  tasdiqlash;  direktor  bilan  birgalikda  davlat  va  jamoat 
tashkilotlarida maktab manfaatlarini ifodalash, shuningdek, ota-onalar (yoki ularning 
o’rnini  bosuvchi  shaxslar)  bilan  birgalikda  davlat  va  jamoat  tashkilotlari 
o’quvchilarning manfaatlariga taalluqli masalalar muhokama qilinayotganda ularning 
ijtimoiy  himoyasini  ta’minlaydi;  metodik  va  pedagogik  kengashlar  taqdimiga  ko’ra 
maktab  ta’limini  ta’minlashning  tarkibiy  qismini  belgilash,  o’qitish  va  mehnatga 
tayyorlash ixtisoslarini tanlash; maktab ish tartibi, o’quv haftasi va o’quv mashg’uloti 
davomiyligi,  1-sinfga  qabul  qilish  yoshini,  o’quvchi  formasining  zarurati  va 
ko’rinishini  belgilash, tegishli  organlar  bilan  kelishilgan  holda birinchi, shuningdek, 
navbatdagi sinflar sonini aniqlash; byudjet mablag’larini sarflash hisobotlarini ko’rib 
chiqish,  mablag’  bilan  ta’minlashning  turli  manbalaridan  foydalanib  o’z  fondini 
shakllantirish,  maktabning  byudjet  va  byudjetdan  tashqari  mablag’laridan 
foydalanishning  asosiy  yo’nalishlarini  aniqlash;  ayrim  pedagoglar,  maktab  direktori 
va  uning  o’rinbosarlarining  ishi  haqidagi  hisobotlarni  tinglash,  egallab  turgan 
lavozimlariga  muvofiqliklari  yoki  nomuvofiqliklari  munosabati  bilan  ularning 
vakolatlarni  uzaytirish  yoki  to’xtatish  haqida,  shuningdek,  ularning  ishini 
takomillashtirish  yuzasidan  konferensiyaga  takliflar  kiritish;  amaldagi  qonunchilik 
doirasida  pedagog  xodimlar  va  maktab  ma’muriyatining  kasb  hamda  lavozim 
faoliyatiga  asossiz  aralashishdan  himoya  qiluvchi  zarur  chora-tadbirlarni  ko’rish, 
maktab jamoasi mustaqilligini cheklovchi har qanday ma’muriy buyruqbozlikka yo’l 
qo’ymaslik, mazkur masalalar bo’yicha tegishli organlarga murojaat qilish.