B abdullayeva, M. Usmonbayeva, O’. Asqarova, F. Ehsonova, S. Hakimov

 
Maktab  formasi
  –  ta’lim  muassasasining  ichki-tartib  qoidalari,  Nizomi 
talablariga  muvofiq  o’quv  yurti  hududida  o’quvchilar  tomonidan  kiyiladigan  libos. 
Uning joriy qilinishi uzoq tarixga ega. Maktab formasi hatto qadimgi davlatlarda ham 
mavjud bo’lgan. M: qadimgi Afinada o’quvchilarning barchasi shlyapa (bosh kiyim) 
va qora xalat (xlamida) kiyishgan. Ta’lim muassasalarida formalarning joriy qilinishi 
ijtimoiy,  ta’limiy,  gigienik  va  estetik  maqsadni  ifodalaydi.  Ya’ni,  ijtimoiy-ta’limiy 
jihatdan  bir  xil  kiyinishi  ta’lim  oluvchilarning  ijtimoiy  jihatdan  teng  huquqqa 
egaliklarini, asosiy e’tiborni ta’lim olishga qaratishlari kerakligini ifodalasa, gigienik 
jihatdan  ko’z  va  asab  tizimini  muayyan  kolorit  (ranglarning  o’zaro  uyg’unligi,  bir-
biriga  mutanosibligi)ga  ega  bo’lmagan  muhitdan  himoyalaydi,  estetik  tomondan 
o’zaro o’quvchilarni ish muhitiga tezkor moslashishlariga yordam beradi.