B abdullayeva, M. Usmonbayeva, O’. Asqarova, F. Ehsonova, S. Hakimov

 
Mahorat
 – muayyan ish, xatti-harakat yoki kasbiy faoliyatning ustalik, mohirlik 
bilan,  san’atkorona  tashkil  etishga  imkon  beradigan  bilim,  ko’nikma,  malakalar 
majmui.
 
 
Majmuaviy  (kompleks)  nazorat 
–
 
bir  necha  o’quv  fanlari  bir  yoki  bir  necha 
sinf  (guruh)larda  turli  o’quvchilarning  ishlarini  o’rganishni  tashkil  etish  maqsadida 
amalga oshiriladigan nazorat turi. 
 
Maktab 
(a. “maktab” – o’qish joyi, bo’lim, idora)
 
–
 
tegishli me’yoriy hujjatlar 
talablari  asosida  pedagogik,  psixologik  va  maxsus  bilimlarga  ega  o’qituvchilar 
tomonidan yosh avlodga ta’lim berish, ularni tarbiyalashga qaratilgan faoliyat tashkil 
etiladigan  ta’lim  muassasasi.
 
Ta’lim-tarbiya  ishlarini  olib  boradigan  maxsus 
maktablar  va  kishilar  ibtidoiy-jamoa  tuzumining  yemirilish  davrida  paydo  bo’lgan. 
O’rta  asrlarda  Yevropada  ta’lim  uch  bosqichdan  iborat  bo’lgan.  Ular:  1)  oddiy 
maktablar;  2)  o’rta  maktablar;  3)  oliy  maktablar.  Shahar  va  cherkov  maktablari 

---

 
119 
o’rtasida  ko’plab  farqlar  mavjud  edi.  Ular:  1)  cherkov  maktablarida  shahar 
maktablariga  qaraganda  o’qituvchilarga  ko’proq  haq  to’lanardi;  2)  cherkov 
maktablarida  o’qituvchilarning  ish  haqi  izchil  berib  borilsa,  shahar  maktablarining 
o’qituvchilari  ish  haqlarini  o’z  vaqtida  ololmasdi;  3)  shahar  maktablarining  o’quv 
dasturlari  cherkov  maktablarining  dasturlaridan  farqli  ravishda  ko’proq  amaliy 
xarakterga  ega  edi;  4)  shahar  maktablarida  lotin  tilidan  tashqari  arifmetika,  ish 
yuritish elementlari, geografiya, texnika va tabiiy fanlar o’qitilardi.  
O’rta  asrlarda  musulmon  mamlakatlarida  to’rt  turdagi  maktablar  faoliyat 
ko’rsatgan.  Ular:  1.  “Qur’on”  maktablari  (yozish  va  hisob-kitob  darslari  tashkil 
etilmaydigan,  faqat  muqaddas  “Qur’on”  kitobini  o’rganishga  yo’naltirilgan 
maktablar).  2.  Fors  maktablari  (o’qish,  yozish  va  hisob  darslari  fors  tilida  Sa’diy, 
Hofiz  Sheroziy  asarlari  yordamida  tashkil  etiladigan  maktablar).  3.  Fors  tili  va 
Qur’on  maktablari  (darslar  dastlabki  ikki    maktab  dasturlarining  umumlashuvi 
asosida  tashkil  etiladigan  maktablar).  4.  Kattalar  uchun  arab  maktablari  (Qur’onni 
o’qish  va  sharhlashga  yo’naltirilgan,  shuningdek,  fors  an’analari  asosida  adabiy 
ta’lim tashkil etiladigan maktablar).  
Musulmon  maktablarida  fanlar  quyidagi  ikki  guruhga  ajratilgan:  1)  an’anaviy 
fanlar;  2)  amaliy  fanlar.  O’rta  asr  musulmon  maktablarida  o’qitiladigan  an’anaviy 
fanlar  tizimidan  ilohiyotga  oid  fanlar  –  Qur’on  tavsifi,  hadis,  musulmon  huquqi, 
teologiya, arab filologiyasi, ritorika kabi fanlar  o’rin olgan. Musulmon maktablarida 
o’qitiladigan nazariy fanlar tizimidan kalligrafiya, mantiq, matematika, astronomiya, 
xulq-atvor qoidalari, tibbiyot va b. tabiiy fanlar o’rin olgan.