B abdullayeva, M. Usmonbayeva, O’. Asqarova, F. Ehsonova, S. Hakimov

Ijtimoiy  xulq-atvor 
(ingl.  “social  behavior”  –  tabiat,  kayfiyat)  –  ijtimoiy-
iqtisodiy  omillar  va  ustuvor  me’yorlardan  kelib  chiquvchi  individ  yoki  guruhning 
jamiyatdagi  harakatlari  mohiyatini  aks  ettiruvchi    xulq-atvor.  Inson  (shaxs)  ijtimoiy 
xulq-atvorini  pedagogik  turkum  fanlar  orasida  nisbatan  “yosh”  bo’lgan  “Ijtimoiy 
pedagogika”  fani  o’rgatadi.  Shaxsning  xulq-atvori  axloqiy  me’yorlarga  muvofiq 
shaxslaro  munosabatlarni  tashkil  etish  vaqtida  namoyon  bo’ladi.  Shaxs  xulq-atvori 
uning ijobiy yoki salbiy sifatlarga egaligini ko’rsatadi. Agarda shaxs ijobiy ma’naviy-
axloqiy sifatlarga ega bo’lsa, u holda uning xulq-atvorida tabiatga to’g’ri munosabat, 
atrofdagilarga  g’amxo’rlik,  yaqinlariga  mehribonlik,  shaxslararo  munosabatlarda 
xushmuomalalik, mehnat jarayonida mehnatsevarlik, jismoniy mashqlarni bajarishda 
kuchlilik,  epchillik,  chaqqonlik,  o’z  shaxsini  baholashda  kamtarinlik,  ojizlarga 
nisbatan  saxovatlilik,  Vatanga  nisbatan  vatanparvarlik,  haqiqatga  nisbatan 
haqiqatgo’ylik,  har  bir  ishni  bajarishda  vijdonan  ish  ko’r  ish  kabi  hodisalar  ro’y 
bersa, salbiy sifatlarga ega shaxs xulq-atvorida esa yuqorida qayd etilgan holatlarning 
aksi namoyon bo’ladi. 
Ijobiy  xulq-atvorga  ega  bo’lish  insonga  chiroy  bag’ishlaydi.  Chunki,  u 
tomonidan tashkil etilayotgan xatti-harakatlar, uning o’zini tutishi jamiyat tomonidan 
tan  olingan  axloq  me’yorlariga  zid  bo’lmaydi  va  shu  sababli    o’zgalarning  g’ashini 
keltirmaydi.  Shunga  ko’ra  xulq-atvor  “suhbatdoshlarning  dilini  ravshan  qilish, 
kayfiyatini xushnud etish, ko’ngilga taskin berish” uchun xizmat qiladi.