B abdullayeva, M. Usmonbayeva, O’. Asqarova, F. Ehsonova, S. Hakimov

 
Harbiy  pedagogika
  –  harbiy  ta’limning  o’ziga  xos  jihatlarini,  uni  tashkil 
etishning  samarali  shakl,  metod  va  vositalarini,  ilg’or  texnologiyalarini,  harbiy 
faoliyatni muvaffaqiyatli tashkil etish yo’llarini o’rganadigan fan. 
 
Hayfsan  berish
  –  o’quvchining  ma’lum  xatti-harakatlarini  qat’iy  choralar 
asosida  baholash  usuli.  U  tanbeh  va  ogohlantirish  kutilgan  natijani  bermagan 
holatlarda qo’llaniladi. 
 
Hayotiy tajriba
 – har bir shaxs tomonidan uning umri davomida orttirgan bilim, 
malaka, uquv va tajribalar majmui. 
 
Hikmatli  so’zlar
  –  xalqning  yuksak  idroki,  aql-zakovati,  donoligining  ifodasi 
yoki uni aks ettiruvchi so’z, ibora, fikr. Ularni tarbiya jarayonida qo’llash bolalar va 
o’smirlarda  ma’lum  voqelik,  shaxsning  xatti-harakati,  yurish-turishi,  odob-axloqi, 
muomalasini oqilona baholash ko’nikmalarini hosil qiladi.