B abdullayeva, M. Usmonbayeva, O’. Asqarova, F. Ehsonova, S. Hakimov

 
Faoliyat
  –  shaxsning  moddiy  borliqqa, tabiatga, boshqa  shaxslarga  munosabati 
shakli, ularga ta’sir ko’rsatishga qaratilgan hatti-harakatlarining majmui. Faoliyatning 
shaxs rivojlanishiga samarali ta’siri uning maqsadga muvofiqligi, pedagogik jihatdan 
to’g’ri uyushtirilishi, izchil, uzluksiz va tizimli bo’lishi bilan belgilanadi. Bolalar va 
o’smirlar hayotida faoliyatning o’yin, mehnat va o’qish shakllari muhim o’rin tutadi. 
Faoliyat  jarayonida  inson  shaxsi,  har  tomonlama  va  bir  butun,  yaxlit  holda 
rivojlanadi.  Lekin  faoliyatni  maqsadga  muvofiq  amalga  oshirishi  uchun  uni  to’g’ri 
tashkil  etish  lozim.  Insonning  qobiliyati  va  yoshi  u  tomonidan  tashkil  etilayotgan 
faoliyat  mohiyatiga  ko’ra  belgilanadi.  Lekin  ko’p  holatlarda  shaxsning  rivojlanishi 
uchun  imkoniyatlar  yaratilmaydi,  bolalarning  ijtimoiy  mehnat,  bilish  faoliyatlari 
cheklangan bo’ladi. Shaxsni shakllantirishda faoliyat samaradorligiga erishish uchun 
mazkur jarayonini pedagogik jihatdan to’g’ri uyushtirish talab etiladi. 
Faoliyat faol va sust (passiv) bo’lishi mumkin. O’smir faoliyati muhit va tarbiya 
ta’sirida  faollashishi  yoki  susayishi  mumkin.  Inson  shaxsining  rivojlanishida  uning 
butun  vujudi  bilan  sevib,  o’z  imkoniyatlarini  namoyon  etib,  mehnat  qilish,  o’zini 
shaxs  sifatida  ko’rsata  olishi  unda  o’z  faoliyatidan  qoniqish  hosil  qiladi.  Uning 
ijtimoiy  mehnatdagi  ishtirokida  faollik  ko’zga  tashlanadi.  Faollik  ko’rsatishning 
asosini  esa  hamma  vaqt  ehtiyoj
 
tashkil  etadi.  Ehtiyojlarning  xilma-xilligi  ham  faoliyat 
turlarini  kengaytiradi.  Shunga  ko’ra,  turli  yosh  davrlarida  o’quvchilarning  faoliyati 
turlicha  bo’ladi.  O’smir  va  o’spirinlar  faoliyatining  asosiy  turlari  o’yin,  o’qish  va 
mehnatdan  iborat  bo’lib,  faoliyatga  kirishishning  asosiy  shakli    muloqot  sanaladi.
 
 
Faoliyat  yo’nalishlari  shaxs  o’quvchilar  tomonidan  o’zlarining  qiziqish  va 
ehtiyojlariga ko’ra tanlanadi.