B abdullayeva, M. Usmonbayeva, O’. Asqarova, F. Ehsonova, S. Hakimov

 
 
Baynalmilallik 
(“inter” – orasida, o’rtasida, birgalikda, aro, “nation”  – xalq) – 
o’zga millat va elatlarning haq-huquqlari, erki, urf-odatlari, an’analari, turmush tarzi, 
tili,  vijdon  erkinligini  hurmat  qilish,  ularning  manfaatlariga  ziyon  yetkazmaslikni 
ifoda etuvchi shaxsga xos ma’naviy-axloqiy fazilatlardan biri. 
 
Baynalmilallik  tarbiyasi
  –  shaxsda  o’zga  millat  va  elatlarning  haq-huquqlari, 
erki,  urf-odatlari,  an’analari,  turmush  tarzi,  tili,  vijdon  erkinligini  hurmat  qilish, 
ularning  milliy  manfaatlariga  ziyon  etkazmaslik  kabi  sifatlarni  shakllantirishga 
yo’naltirilgan  pedagogik  faoliyat  jarayoni.  Baynalmilallik  tarbiyasining  maqsadi 
o’zga millat va elatlarning haq-huquqlari, erki, urf-odatlari, an’analari, turmush tarzi, 
tili, vijdon erkinligini hurmat qilish, ularning milliy manfaatlariga ziyon etkazmaslik 
kabi sifatlarni shakllantirish, o’zga millat va elatlarning vakillari bilan o’zaro do’stlik 
aloqalarini  o’rnatishga  tayyorlashdan  iborat.  Baynalmilallik  tarbiyasini  tashkil  etish 
jarayonida quyidagi vazifalar hal qilinadi:  o’quvchilarni o’zga millat va elatlarning 
haq-huquqlari,  erki,  urf-odatlari,  an’analari,  turmush  tarzi,  til  xususiyatlari  bilan 
yaqindan  tanishtirish;  ularga  o’zga  millat  va  elatlarning  tarixi,  bugungi  taraqqiyoti, 
umuminsoniyat  madaniyatiga  qo’shgan  hissasi,  jahon  sivilizatsiyasida  tutgan  o’rni, 
vijdon  erkinligiga  oid    ma’lumotlarni  berish;  o’quvchilarda  o’zga  millat  va 
elatlarning  haq-huquqlari,  erki,  urf-odatlari,  an’analari,  turmush  tarzi,  til 
xususiyatlari,  vijdon  erkinligiga  hurmat,  milliy  manfaatlariga  ziyon  yetkazmaslik 
kabi sifatlarni shakllantirish; ularni o’zga millat va elatlarning vakillari bilan o’zaro 
do’stlik aloqalarini o’rnatishga amaliy jihatdan tayyorlash. 
O’quvchi  (talaba)lar  o’rtasida  vatanparvarlik  va  baynalmilallik  tarbiyasi 
muayyan  mavzularda  suhbat,  davra  suhbati,  matbuot  konferansiyasi,  viktorina, 
uchrashuv,  ko’rik-tanlov,  bahs-munozaralar  tashkil  etish  kabi  shakllarda  amalga 
oshirilishi  mumkin.  Muzeylarga  ekskursiyalar  uyushtirish,  vatanparvarlik  va 
baynalminallik  mavzularida  yaratilgan  asarlarni  birgalikda  o’rganish,  kinofilmlar 
tomosha  qilish  ham  o’zining  ijobiy  natijasini  beradi.  O’quvchi  (talaba)larda 
baynalmilallik  tuyg’usini  shakllantirishda  ta’lim  muassasasida  tashkil  etiladigan 
“Do’stlik  klubi”ning  ta’siri  kattadir.  Turli  millatlarga  mansub  bolalar  o’rtasida 

---

 
37 
do’stlik  aloqalarining  bog’lanishi  ularda  bir-birlariga  nisbatan  hurmatni  qaror 
toptiribgina  qolmay,  o’zga  millat  yoki  elatlarning  urf-odatlari,  an’analari,  tili, 
madaniyati va qadriyatlarini o’rganishga ko’maklashadi.