B abdullayeva, M. Usmonbayeva, O’. Asqarova, F. Ehsonova, S. Hakimov

B 
 
Bajarib  ko’rsatish
  –  ota-onalar,  o’qituvchilar,  katta  yoshli  kishilar  tomonidan 
muayyan  ish-harakat,  faoliyatni  bevosita  bajarish,  amaliy  namoyish  qilish  orqali 
bolalar va o’smirlarda zarur bilim, ko’nikma, malakalarni shakllantirish usuli.
   
 
Bakalavriat
  (lot.  “bachelor's  degree”  –  birinchi  akademik  daraja)  –  oliy  ta’lim 
yo’nalishlaridan biri bo’yicha puxta bilim beradigan, o’qish muddati kamida to’rt yil 
bo’lgan tayanch oliy ta’lim. Talaba bakalavriat dasturi bo’yicha ta’lim yakuni, davlat 
attestatsiyasining yakuniy xulosasiga muvofiq o’qitilgan yo’nalish asosida “bakalavr” 
darajasiga  loyiq  deb  topiladi  va  unga  davlat  namunasidagi  diplom  beriladi. 
Bakalavriat  ta’limi  dasturining  tarkibiy  qismi,  bakalavr  tayyorlash  darajasi,  o’quv 
vazifalarning  maksimal  hajmi,  kadrlar  tayyorlash  jarayoni  sifat  nazoratining 
protsedura  va  mexanizmlari  O’zbekiston  Respublikasi  Vazirlar  Mahkamasi 
tomonidan tasdiqlangan “Oliy ta’lim muassasalarining faoliyati to’g’risida”gi Nizom 
(2001 yil avgust) talablariga muvofiq belgilanadi. 
Bakalavrning  kasbiy  faoliyat  sohasi  va  turi  tavsifnomasi,  malakaviy  hamda 
o’quv  fanlari  bo’yicha  talablar,  ta’lim  dasturining  tarkibiy  tuzilmasi,  uni  amalga 
oshirish  mexanizmi,  shuningdek,  sifatini  nazorat  qilish  aniq  tayyorlov  yo’nalishi 
bo’yicha  DTS  orqali  belgilanadi.  Bakalavriatning  mos  yo’nalishlari  uchun,  DTS 
asosida  oliy  ta’limni  boshqarish  bo’yicha  davlatning  vakolatli  organi  tomonidan 
tasdiqlangan o’quv rejasi va dasturlar, o’quv fanlarining tizimi ishlab chiqiladi. Oliy 
ta’limning  bu  bosqichida  bir  xil  profilli  (umumiy  kasb-hunar  tayyorgarligiga 
o’xshash) o’rta maxsus, kasb-hunar ta’limiga ega bo’lgan shaxslarga, oliy ta’limning 
shu  yo’nalishidagi  o’quv  rejalariga  bog’liq  (ketma-ketlikni  ta’minlovchi)  ta’lim 
dasturini to’liq egallashning tezkor imkoniyatlari beriladi. 
 
Bakalavr
  (ingl.  “bachelor's”  –  bo’ysunuvchilar)  –  o’zi  tanlagan  soha  bo’yicha 
oliy ma’lumot hamda davlat klassifikatorida belgilangan lavozimda ishlash huquqiga 
ega mutaxassis.