B abdullayeva, M. Usmonbayeva, O’. Asqarova, F. Ehsonova, S. Hakimov

Bilimlarni  tekshirish  va  nazorat  qilish  darsi 
–  o’quvchilar  tomonidan 
o’rganilgan  mavzular  bo’yicha  nazariy  bilim,  amaliy  ko’nikma,  malakalarning 
o’zlashtirish  darajasini  tahlil  qilish,  uning  negizida  pedagogik  faoliyat  istiqbolini 
belgilash  maqsadida  tashkil  etiladigan  dars.  Bilimlarni  tekshirish  va  nazorat  qilish 
darslari 
o’qituvchiga  o’quvchilarda  ma’lum  sohadagi  bilim,  ko’nikma, 
malakalarining 
shakllanganlik 
darajasi, 
o’quv 
materialini 
o’rganishdagi 
kamchiliklarni  aniqlash,  navbatdagi  topshiriqlarning  bajarish  yo’llarini  belgilab 
olishga  yordam  beradi.  Bu  turdagi  dars  quyidagi  tarkibiy  tuzilma  asosida  tashkil 
etiladi: 1) dars vazifalarini belgilash; 2) nazorat ishlari (vazifalar, misollar yoki savol-
javoblar)  mazmunini  bayon  qilish;  3)  darsni  yakunlash;  4)  bilim,  ko’nikmalarni 
namoyish  etishdagi  tipik  xatolar,  ularni  bartaraf  etish,  mavjud  bilim,  ko’nikma  va 
malakalarni mustahkamlash yo’llarini aniqlash.