B abdullayeva, M. Usmonbayeva, O’. Asqarova, F. Ehsonova, S. Hakimov

 
O’quv mashg’ulotlari 
– ta’lim muassasalarida o’quvchi (talaba)larga o’quv va 
kasbiy fanlari bo’yicha ilmiy bilimlarni berish asosida amaliy ko’nikma, malakalarni 
hosil  qilishga  yo’naltirilgan  ta’lim  jarayoni.  Kundalik  o’quv  mashg’ulotlar  soni  va 
tartibi  umumiy  ta’lim  maktabi,  akademik  litsey  va  kasb-hunar  kollejlarida  ta’lim 
muassasasi  direktori,  oliy  o’quv  yurtlarida  esa  ta’lim  muassasasining  rektori 
tomonidan tasdiqlangan dars jadvali bilan belgilanadi. Darslar boshlang’ich sinflarda 
35-40  daqiqagacha,  V  va  IX  sinflarda  40-45  daqiqagacha,  akademik  litsey,  kasb-
hunar  kolleji  va  oliy  o’quv  yurtlarida  80  daqiqa  davom  etadi.  O’quv  haftasi  6  (5) 
kundan iborat.  
Umumiy  ta’lim  maktablarida  I  va  II  navbat  (smena)lardagi  mashg’ulotlarning 
boshlanishini  ota-onalar  (ularning  o’rnini  bosuvchi  shaxslar),  o’quvchilar  bilan 

---

 
238 
kelishilgan,  sanitariya-gigiena  talablari  hisobga  olingan  holda  Maktab  kengashi 
(Pedagogik  kengash)  belgilaydi.  Darslar  orasidagi  tanaffuslarning  davom  etishi 
o’quvchilarning  faol  dam  olishlari  va  issiq  ovqat  bilan  ta’minlanishlarini  tashkil 
qilishni hisobga olgan holda belgilanadi.