B abdullayeva, M. Usmonbayeva, O’. Asqarova, F. Ehsonova, S. Hakimov

 
Ta’lim  muassasasining  rahbari
  –  ta’lim  muassasasining  umumiy  faoliyatiga 
rahbarlik  qiluvchi,  ma’lum  vakolatlarga  ega  mas’ul  shaxs.  Mazkur  mas’ul  shaxs 
qaysi ta’lim muassasasiga rahbarlik qilayotganligiga ko’ra quyidagicha nomlandi: 1) 
maktabgacha ta’lim muassasasida mudira; 2) umumiy o’rta ta’lim maktabi, akademik 
litseylar,  kasb-hunar  kollejlari  va  muayyan  turdagi  institutlar  (xodimlarni  qayta 
tayyorlash va  malakasini oshirish institutlari, ilmiy-tadqiqot institutlar)da direktor; 3) 
oliy o’quv yurtlari (universitet va akademiya)da rektor. 
Maktabga  bevosita  rahbarlik  boshqarishning  yuqori  organlar  tomonidan 
tayinlanadigan  direktor,  davlatga  qarashli  bo’lmagan  ta’lim  muassasalarida  esa 
muasssis  tomonidan  amalga  oshiriladi.  Rahbar  tajribali,  qobiliyatli  muayyan  ish 
stajiga ega bo’lishi lozim.  
Ta’lim  muassasasi  direktorining  vazifasi  quyidagilardan  iborat:  davlat,  jamoat 
tashkilotlari  oldida  ta’lim  muassasasining  manfaatlarini  ifodalash;  o’quv-tarbiya 
jarayonining  muvaffaqiyatini  ta’min  etish;  o’quv  dasturlarining  bajarilishini  nazorat 
qilish,  ta’lim-tarbiya  ishlarining  sifati  va  samaradorligi,  bolalik  va  mehnatni 
muhofaza  qilish  talablarining  rioya  qilinishi,  ta’lim  muassasasidan  tashqarida 

---

 
200 
ma’naviyat  ishlarini  tashkil  qilinishi  uchun  zarur  shart-sharoitlarni  yaratish; 
pedagogik, rahbar kadrlarni tanlab joy-joyiga qo’yish, ularning vazifalarini belgilash, 
pedagogik  kadrlar,  kabinet,  ustaxona  mudirlarini  belgilash,  sinf,  guruh  rahbarlarini 
tanlash,  pedagog,  xizmat  ko’rsatuvchi  xodimlarni  ishga  qabul  qilish,  bo’shatish; 
ta’lim  muassasasi  pedagogik  xodimlarini  attestatsiyadan  o’tkazuvchi  komissiyaga 
rahbarlik  qilish;  ta’lim  muassasasi  pedagogik  xodimlarining  ijodiy  ishlari,  ta’lim-
tarbiyaning  ilg’or  shakl  va  usullarini  qo’llashlari  uchun  shart-sharoitlarni  yaratish; 
ta’lim  muassasasiga  ajratilgan  moliyaviy  mablag’lar,  sarf-xarajat  hisobini  yuritish; 
ta’lim  muassasasi  me’yoriy  hujjatlarining  to’g’ri  yuritilishini  ta’minlash;  ta’lim 
muassasasi  Pedagogik  kengashi,  mahalliy  hokimlik  organlari  oldida  o’z  faoliyati 
to’g’risida hisob berib turish. 
O’rta  maxsus,  kasb-hunar  ta’limi  muassasalarida  o’rta  maxsus,  kasb-hunar 
ta’limi  muassasasi  direktori  huzurida  kollegial  organ  –  Pedagogik  kengash  tashkil 
etiladi.  Pedagogik  kengashning  funksiyalari  o’rta  maxsus,  kasb-hunar  ta’limi 
muassasasi ustavida belgilanadi.