B abdullayeva, M. Usmonbayeva, O’. Asqarova, F. Ehsonova, S. Hakimov

 
Ta’lim muassasasining Pedagogik kengashi
 – ta’lim muassasasining pedagog 
xodimlar,  ota-onalar,  vasiylar,  homiylarni  birlashtiruvchi,  o’quv-tarbiya  jarayonini 
tashkil etish, takomillashtirishga ko’maklashuvchi kollegial organi. Uning funksiyasi 
ta’lim  muassasasining  Ustavi  bilan  belgilanadi.  Ta’lim  muassasasining  Pedagogik 
kengashi  huzurida  fanga  oid  va  boshqa  yo’nalishlarda  seksiya,  birlashmalar  tashkil 
etilishi  mumkin.  Maktab  Pedagogika  kengashi  quyidagi  vakolatlarga  ega:  ta’lim 
mazmuni  (o’quv  rejalari,  dasturlari,  darsliklar)ning  turli  variantlarini  muhokama 
qilish, o’quv-tarbiya jarayoni shakl, metod, usullari, ularni amalga oshirish yo’llarini 
tanlash;  pedagog  xodimlarning  malakasini  oshirish,  ijodiy  tashabbuslarini 
rivojlantirish,  ish  tajribalarini  ommalashtirish,  sinov-tajriba  ishlarining  borishi  va 
yakunini  muhokama  qilish;  umumiy  ta’lim  maktabining  ilmiy-tadqiqot  institutlari, 
ko’ngilli  jamiyatlar,  ijodiy  uyushmalar  bo’limlari  va  b.  davlat,  jamoat  tashkilotlari 
bilan  o’zaro  hamkorlik  qilish  yo’nalishlarini  belgilash;  o’quvchilar,  ota-onalar  (yoki 
ularning  o’rnini  bosuvchi  shaxslar)ning  fikrlarini  inobatga  olgan  holda  maktab 
pedagog  xodimlarini  attestatsiyadan  o’tkazish,  o’qituvchilarga  malaka  toifalarini 
berish haqida xalq ta’limi muassasalari faoliyatini metodik ta’minlash va tashkil etish 
tuman  (shahar)  bo’limlari  huzuridagi  malaka  (attestatsiya)  komissiyalariga  takliflar 
kiritish;  maktab  pedagog  xodimlarini  shahar,  viloyat  va  respublika  pedagogika 
o’qishlari,  malaka  oshirish  kurslari,  (shu  jumladan,  xorijiy  mamlakatlardagi),  katta 
ilmiy xodim-izlanuvchilar instituti hamda turli mukofotlarga tavsiya etish.