B abdullayeva, M. Usmonbayeva, O’. Asqarova, F. Ehsonova, S. Hakimov

Ko’rgazmali (yoki ko’rsatmali) metodlar 
–
 
muayyan voqea, hodisa, jarayonlar 
mohiyatini  tabiiy  va  sun’iy  muhit,  ko’rsatmali  qurollar,  mulajlar,  gerbariylar, 
stendlar,  plakatlar  hamda  video  tasvirlar  yordamida  yorituvchi  metodlar.  Bu  kabi 
metodlarning  namoyish,  tasvirlash,  ekskursiya  kabi  turlari  mavjud.  Ko’rgazmali 
metodlardan foydalanishda quyidagi shartlarga amal qilish lozim: ko’rgazmalilikning 
o’quvchilar  yoshi  va  rivojlanish  darajasiga  mos  kelishi;  namoyish  etilayotgan 
obyektlarning barcha o’quvchilarga yaxshi ko’rinib turishi; namoyishda boshlang’ich 
bosqich  va  asosiy  jarayon  (holat)larning  ajralib  turishi;  tajribalar  namoyishi  maket, 
jihoz,  qurollar  yoki  tajriba  sxemasini  chizib  ko’rsatish  asosida  tashkil  etilishi;  
namoyish  va  illyustratsiya  o’quv  materialining  mazmuni  bilan  uyg’un  bo’la  olishi 
lozim.