B abdullayeva, M. Usmonbayeva, O’. Asqarova, F. Ehsonova, S. Hakimov

 
Ijtimoiy-foydali  mehnat  shakllari 
–
 
bolalar,  o’smirlar  va  yoshlarni  ularning 
yosh,  psixologik  va  fiziologik  xususiyatlaridan  kelib  chiqqan  holda  ijtimoiy-foydali 
mehnat jarayoniga jalb etishga yo’naltiradigan pedagogik faoliyatni amalga oshirish 
yo’li;  tashkiliy  ko’rinishi.  Uzluksiz  ta’lim  tizimining  turli  bosqichlarida  faoliyat 
yuritadigan ta’lim muassasalarida ijtimoiy-foydali mehnat quyidagi shakllarda tashkil 
etiladi:
 
ta’lim  muassasasi  hududini  obodonlashtirish;  stadionni  jihozlash;  binolar 
hamda sport zallarini kapital va joriy ta’mirlash jarayonida ko’ngilli ravishda yordam 
ko’rsatish; mikrohududda ko’chatlar o’tkazish; sinf xonalarini o’quvchilarning ijodiy 
imkoniyatlari  hisobiga  jihozlash;  ommaviy  hasharlarda  faol  ishtirok  etish;  bolalar 
bog’chalari, maxsus maktab-internatlarni otaliqqa olish; bolalar, keksalar, nogironlar 
mehribonlik  uylarida  xayriya  tadbirlarini  tashkil  etish;    ta’lim  muassasasi  hududida 
istiqomat  qiluvchi  nogiron  hamda  keksalarga  uy-ro’zg’or  yumushlarini  bajarishda 
yordam ko’rsatish; ijod ishlar (o’quv fanlari bo’yicha ko’rgazmali qurollar  – xarita, 
sxema,  jadval,  tasvir,  model,  maket,  konstruksiya  va  b.;  turli  tadbirlar  uchun 
dekoratsiyalar  yaratish;  turli  yo’nalishlarda  loyihalarni  ishlab  chiqish;  modellarni 
yaratish) tanlovini  o’tkazish;darsdan  bo’sh vaqtlar, shuningdek,  ta’til  davrlarida uy-
joy  mulkdorlari shirkatlari, Respublika yoshlarining “Kamolot” ijtimoiy harakati va 
“Kamalak” tashkilotining quyi bo’g’inlari, mehnat birjalari bilan hamkorlikda sanoat, 
qishloq  xo’jaligi,  qurilish,  transport,  matbuot  sohalarida  muayyan  vazifalarni 
bajarish; ta’lim muassasalarida ma’naviy-ma’rifiy targ’ibot ishlarini olib borish.