B abdullayeva, M. Usmonbayeva, O’. Asqarova, F. Ehsonova, S. Hakimov

 
Ijtimoiy-foydali  mehnat
  –  o’quvchilar  guruhi  (jamoasi)  tomonidan  tashkil 
etilib,  ijtimoiy  ahamiyat  kasb  etgani  holda  bevosita  shaxsni  har  tomonlama  kamol 
toptirish,  uning  muayyan  ijtimoiy  ehtiyojini  qondirishga  yo’naltirilgan  mehnat 
faoliyatining  alohida  turi;  ijtimoiy  mehnat  faoliyati.  Har  qanday  turdagi  ijtimoiy-
foydali  mehnat  shaxsning  muayyan  ijtimoiy  ehtiyojni  qondirishga  yo’naltiriladi. 
O’quvchilar  ijtimoiy-foydali  mehnatini  tashkil  etishda  sinf  xonasi  yoki  oshxonada 
navbatchilikni  tashkil  qilish,  hasharlar,  mehnat  bayrami,  ko’kalamzorlashtirish, 
maktab binosini ta’mirlash, fermer hamda jamoa xo’jaliklarida yetishtirilgan  qishloq 
xo’jaligi  mahsulotlarini  yig’ib  olishda  dehqonlarga  ko’maklashish  kabi  shakllardan 
samarali  foydalanish  mumkin.  Bu  kabi  tadbirlarda  o’quvchilar  bilan  birgalikda  ota-
onalarning ishtirok etishi ularning ijtimoiy-g’oyaviy, siyosiy, huquqiy, psixologik va 
pedagogik  bilimlarini  boyitadi.  Shuningdek,  ota-onalarni  oilada  bolalar  ongiga  ezgu 
g’oyalarni  ifodalovchi  qarashlarni  singdirishga  oid  metodik  bilimlar  bilan 
qurollantiradi.  Ota-onalarning  ko’magi  hamda  homiyliklari  asosida  o’quvchilar 
o’rtasida  amaliy  treninglarni  tashkil  etish,  ma’ruza,  seminarlarni  uyushtirish,  ularni 
bevosita  ekskursiya  yoki  uchrashuv  asosida  mehnat  jasoratlari  bilan  tanishtirish, 
bugungi  kun  qahramonlarining  hayoti  va  faoliyati  to’g’risidagi  ma’lumotlardan 
xabardor  qilish,  sport  musobaqalarini  uyushtirish  buzg’unchi  g’oyalarga  qarshi 

---

 
81 
amalga oshiriluvchi eng samarali tadbirlar bo’lib xizmat qiladi.