B abdullayeva, M. Usmonbayeva, O’. Asqarova, F. Ehsonova, S. Hakimov

Homiylik kengashining umumiy yig’ilishi
 – o’rta maxsus  ta’lim  muassasalari 
Homiylik  kengashi  ishining  tashkiliy  shakli.  Uning  asosiy  vakolatlariga  quyidagilar 
kiradi:  Homiylik  kengashi  faoliyatining  asosiy  yo’nalishlarini  aniqlash;  Homiylik 
kengashining  joriy  va  istiqbol  rejalari,  ularning  bajarilishi  to’g’risidagi  hisobotlarni 
tasdiqlash;  maxsus  jamg’armani  tuzish  va  undan  foydalanish  tartibi;  Homiylik 
kengashi  belgilagan  vazifalarni  bajaruvchi  organlarni  tuzish;  kredit  olish  to’g’risida 
qaror  qabul  qilish;  Homiylik  kengashining  tarkibini  kengaytirish  to’g’risida  qaror 
qabul  qilish;  xarajatlar  smetasini  tasdiqlash;  o’quvchilarga  stipendiyalar  tayinlash; 
o’quv  yurtining  rahbarlari,  pedagogik  personal  va  boshqa  xodimlarning  maoshiga 
ustama  haq  to’lash,  mukofotlar  va  bir  marotabalik  to’lovlar  miqdorini  tasdiqlash; 
o’quv  yurtining  Homiylik kengashi raisi  va  taftish  komissiyasini saylash;  Homiylik 
kengashi a’zolarining kirish va joriy badallarining miqdorini aniqlash. 
Kengashning umumiy yig’ilishida hal qiluvchi ovoz berish huquqiga ega bo’lgan 
a’zolari  yoki  ularning  vakillari  qatnashadi.  Bunda  jamoa  a’zolari  bittadan  vakil 
yuboradi.  Homiylik  kengashining  umumiy  yig’ilishi,  agar  ularning  yarmidan  ko’pi, 
shu  hisobda  ikki  va  undan  ortiq  vakilning  ishonchnomasi  bo’lgan  shaxslar 
qatnashgan  taqdirda  qaror  qabul  qilishga  haqli,  shuningdek,  u  o’z  vakolatlari 
doirasida boshqa masalalarni ko’rib chiqishi, o’quv yurti direktoriga o’z vakolatlarini 
berishi  mumkin.  Homiylik  kengashi  umumiy  yig’ilishi  tomonidan  qabul  qilgan 
qarorlar uning barcha a’zolari tomonidan birdek bajarilishi majburiy hisoblanadi. 
Homiylik  kengashining  umumiy  majlisi  o’z  qarorlarini  bajarish  uchun  asosiy 
hujjat  bo’lgan  protokol  (bayonnoma)  bilan  rasmiylashtiradi.  Kengashning  umumiy 
yig’ilishi  3  oyda  kamida  bir  marta  tashkil  etiladi.  Mazkur  kengash  raisi  navbatdagi 
yig’ilish  vaqti  va  joyini,  kun  tartibini  belgilaydi  va  majlisdan  10  kun  oldin 
kengashning  barcha  a’zolariga  majlis  kun  tartibi  va  uning  loyihalarini  yuboradi. 
A’zolarning  kamida  1/3  qismi  kengash  raisiga  navbatdan  tashqari  yig’ilish  kun 
tartibini  belgilash  orqali  yozma  ravishda  murojaat  qilganda  Homiylik  kengashining 
navbatdan tashqari yig’ilishi chaqirilishi mumkin. 
Homiylik  kengashi  a’zosi,  agar  u  yig’ilishda  qatnasha  olmasa,  kun  tartibining 
barcha masalalari bo’yicha o’z mulohazalarini yozma ravishda bayon qilish huquqiga 
ega. Ovoz berishni talab qiladigan masalalar bo’yicha, yig’ilishda qatnashmayotgan 
Homiylik kengashi a’zosi yozma ravishda ovoz beradi. Umumiy yig’ilish jarayonida 
kun  tartibiga  kiritilishi  kerak  bo’lgan  masalalar  yig’ilishda  qatnashmayotgan 
Homiylik  kengashi  a’zolarining  yozma  ravishda  ovoz  berganidan  so’ng  qabul 
qilinadi. 
Yillik  moliyaviy  rejani  tasdiqlash;  Homiylik  kengashi  tartibiga  yangi  a’zolar 
kiritish;  kengash  a’zolarining  kirish  va  joriy  badallarining  miqdorlarini  aniklash 
Homiylik  kengashi  a’zolarining  bir  ovozga  ega  bo’lishi  muhimdir.  Homiylik 
kengashi raisi agar ovozlar teng bo’lgan taqdirda o’z vakolatiga ko’ra 2 ta ovozga ega 
hisoblanadi.  Homiylik  kengashining  o’z  majburiyatlarini  bajarmagan  yoki  to’liq 
bajarmagan  a’zosi  Kengash  safidan  chiqariladi.  A’zolarni  kengash  safidan  chiqarish 
to’g’risidagi qaror umumiy yig’ilish tomonidan qabul qilinadi.