Азот ва фасфор сақлаган антипирен воситалар ёрдамида тўқимачилик матoлари ва ёғочни ёнғиндан ҳимоялаш усуллари

2.2.1. Кислород индексини аниқлаш усули
Синовлар 12.1.044-89 рақамли давлат стандарти бўйича олиб борилади. Усулнинг моҳияти, юқорисидан беркитилиб, вертикал ҳолда жойлаштирилган намунанинг мустақил ёниши кузатиладиган кислород-азот аралашмаси оқимидаги кислороднинг минимал концентрациясини топишдан иборат.
Кислород индекс қуйидаги формула бўйича аниқланади.
КИ=[O₂]100/([O₂]+[N₂])
O₂ – кислород-азот аралашмасидаги ёниш учун етарли бўлган кислороднинг минимал концентрацияси.


2.2.2. Намунанинг ҳавода масса йўқотишини аниқлаш
(ёнғин найча усули)
“Ёнғин найча” усули қаттиқ ёнувчи материаллар гуруҳини аниқлашнинг экспресс-усулидир. У 17.088-71 рақамли давлат стандарти билан амалга оширилади. Қурилма ёниш камераси, намунанинг тутқич, диаметри 7 мм бўлган газ горелкаси, диаметри 50мм бўлган, харакатланадиган қилиб штативга ўрнатилган ойнадан иборат. Ёниш камераси диаметри (50±3) мм, узунлиги (165±5) мм, девор қалинлиги (0,5±0,1) мм бўлган штативга вертикал равишда ўрнатилганнайчадан иборат. Синов учун кенглиги (35±1), узунлиги (150±3) дан ва қалинлиги (10±1) мм дан ошмайдиган 6 намуна тайёрланади.
Олдиндан тортилган намуналарни найчанинг марказига вертикал ҳолатда ўрнатилади, унинг учи 5мм чиқиб туриши керак ва горелка дан 10мм тепароқ бўлиши лозим. Намуна марказий қисмининг остига алангасининг баландлиги (40±5)мм бўлган горелка жойлаштирилади ва бир вақтнинг ўзида секундомер қўшилиб, унинг барқарор ёнишини таъминлайдиган ёниш вақти белгилаб олинади. Аланга 2 минут давомида таъсир этилганидан кейин ёндириш манбаи олинади ва намунани мустақил ёниш ҳамда чўғланиш вақти аниқланади. Намуна хона температурасигача совутилганидан сўнг унинг оғирлик массаси ўлчанади ва йўқолган массани (m) бошланғич массага нисбатан фоизда аниқланади.
m=( М_н – М_к )/М_к, (3)
М_n ва M_k – намунанинг синовдан аввал ва синовдан кейинги массаси, г.