6
Təlim nəticəsi 1: Metallar və onların ərintiləri haqqında bilir
1.1.1.
Elektrotexniki materialları təsnifatlandırır
Elektrotexniki materialların təsnifatı
Elektrik maşınlarının, aparatların və elektrotexniki quruluşların əsas hissələri adi
konstruksiya materiallarının xassələrindən fərqli olan xüsusi
elektrotexniki
materiallardan hazırlanır.
Elektrik maşınının dolaqlarına hopdurulmuş elektrik izolyasiya lakı, maşının
nüvəsinin hazırlandığı elektrotexnika poladı elektotexniki materiallara aiddir. Bununla bərabər maşının
gövdəsinə çəkilmiş lak və maşının valının hazırlandığı polad elektrotexniki
material deyildir, çünki
onlarda bu materiallara aid xassələr yoxdur. Həqiqətən, elektrik izolyasiya lakı hopdurucu xassəyə
malik olmalıdır, yəni maşının dolaqlarında bircinsli izolyasiya yaratmaq üçün onun hissəcikləri dolağın
məsamələrinə və kapilyarların daha dərinliyinə nüfuz etməlidir. Dolağın sarğılarını bir-birindən və
maşının gövdəsindən etibarlı sürətdə izolyasiya etmək üçün həmin lakın pərdələri elektrik izolyasiya
xassələrinə malik olmalıdır. Maşının gövdəsini örtmüş bəzək laklarından bu xassələr tələb edilmir.
Şəkil 1.1. Elektrik materialları
Maşının nüvəsinin hazırlandığı elektrotexniki polad haqqında həmin sözləri demək olar. Maşının
nüvəsində böyük maqnit induksiyasını təmin etmək üçün elektrotexniki polad böyük maqnit
nüfuzluğuna malik olmalıdır. Bundan başqa, elektrotexniki poladda itki ən az olmalıdır. Maşının valı
hazırlanmış konstruksiya poladından belə xassələr tələb olunmur. O, ancaq yüksək
mexaniki
möhkəmliyə malik olmalıdır. Bu misallardan görünür ki, elektrotexniki materiallar xüsusi materialdır;
onlar ümumi xassələrdən əlavə müəyyən elektrik və maqnit xassələrinə də malik olmalıdır.
Elektrik maşınlarının və aparatlarının cərəyanaparan hissələrinin (dolaqların, kontaktların)
hazırlandığı materiallar elektrik cərəyanını yaxşı keçirməlidir, yəni kiçik elektrik müqavimətinə malik
olmalıdır. Elektrotexniki materialların bu qrupunu saf metallar və metalların ərintiləri olan keçirici
materiallar təşkil edir. Başqa qrupu isə elektrik izolyasiya materialları və ya dielektriklər təşkil edir.
Kondensatorlarda elektrik tutumu yaratmaq üçün elektrik izolyasiya materiallarından istifadə edir.
Üçüncü qrupa yarımkeçirici materiallar aiddir. Bu qrupa daxil olan materiallar elektrik cərəyanı
keçirmə qabiliyyətinə görə keçiricilər və dielektriklər arasında orta mövqe tutur. Yarımkeçiricilərdən
elektrotexnikanın müxtəlif sahələrində geniş istifadə olunan gücləndiricilər, düzləndiricilər və digər
yarımkeçirici cihazlar hazırlanır.
Elektrotexniki materialların qruplara bölünməsi ilə onlar arasındakı bütün fərqlər bitmir. Əsas
qrupların hər birinin daxilində materialların daha əsaslı təsnifatını aparmaq olar.
7
1.1.2.
Tələbələr üçün fəaliyyətlər
Elektrotexniki materiallara aid olmayan materialları sadalayın;
Yarımkeçirici materialların tətbiq sahələrini
qeyd edin;
Tələbələri 2 qrupa ayırırıq, sonra onlara Venn diaqramından istifadə edərək “Saf
materiallar ilə ərintilər arasındakı oxşar və fərqli cəhətləri müqayisə edin”, tapşırığı
verin. Tədqiqat sualını iş vərəqində təqdim edin. İş vərəqləri lövhədən asılır və tələbələr
tərəfindən müzakirə edilir;
Konstruksiya materialları ilə elektrotexniki materiallar arasındakı fərqi araşdırın və
müzakirə edin.
1.1.3. Qiymətləndirmə
Aşağıdakı qiymətləndirmə meyarına əsasən qiymətləndirəcəksiniz:
Do'stlaringiz bilan baham: