Azərbaycan ortopediya və travmatologiya jurnali

Nəticələr və müzakirə
Araşdırılan qrupda bəzi xəstələrdə HHS əməliyyatdan sonra əla kateqoriyalı nəticələrə çata bilmirdilər. Bunun səbəbi əməliyyatdan sonra artrozun yüksək dərəcəsi və ya davam edən ağrılar, axsama, oynaq hərəkətinin azalması kimi faktorlar durur. Beləliklə daha dərin araşdırma məqsədi ilə xəstələr HHS nısbətən aşağı (orta hesabla 84,2) və yuxarı HHS (orta hesabla 94.5 vahid) qrup olaraq ikiyə böldük.
Əməliyyat öncəsi Tönnis artroz dərəcəsi 24 oynaqda – 0 (61,5%), 17 (41,5%) oynaqda isə 1 dərəcə olaraq qiymətləndirilmışdir. Əməliyyat sonrası Tönnis artroz dərəcəsi 11 oynaqda – 0,17 (41,5%) oynaqda 1, 12 (30,7%) oynaqda – 2, 1-də (2,5%) isə 3 dərəcə qeyd edilmışdır.
Əməliyyat öncəsi rentgenoloji göstəricilər aşağıdakı idi. Tönnis bucağı 37° (20- 56° arası) idi. Viberq bucağı 8,9° (-10-25° arası), Lequesne bucağı isə 4,9° (-10-25° arası) idi. Əməliyyat sonrası müayinə müddətində rentgenoloji göstəricilərdə xeyli yaxşılaşma qeyd edilmışdır. Beləki Tönnis bucağı 13,4° (4-35° arası) (p<0,001), Viberq bucağı 39,8° (17-68° arası) (p<0,001), Lequesne bucağı 35,9° (10-60° arası) (p<0,001) təşkil etmişdir.
Bud-çanaq oynağında əməliyyatdan əvvəl medializasiya göstəriciləri 9,51 mm (5-16 mm arası) idi. Əməliyyatdan sonra bu göstərici azalmış və 7,8 mm (3-13 mm arası) təşkil etmışdir (p<0,01). Yuxarıda göstərilən rentgenoloji parametrlər ilə bərabər örtülmə indeksindədə düzəlmə qeyd edilmişdir. Belə ki, əməliyyatdan əvvəl 63,4(35-90 arası) olan örtülmə indeksi əməliyyat sonrası 88,3 (40-100 arası) (p<0,001) təşkil etmişdir (Cədvəl 1).
Kinematik parametrləri oynaq hərəkətlərinin - anqulyar yerdəyişməsi və sürətinin - birgə hərəkət təsviri daxildir. Klinik olaraq bu bizə “bədən nə edir” sualına cavab verir. Heç bir gəzmə müayinələrinin fərdi parametrlərinin təhlili biri-birindən təcrid təhlil olunmamalıdır. Oynaq kinematikası interpretasiyası mütləq temporal və spatial dəyərlərlə, dinamik EMG və klinik müayinələr (oynaq hərəkətləri) ilə birgə edilməlidir.
Cədvəl 1.
Əməliyyat öncəsi və sonra rentgenoloji göstəricilər.