Ayupov ravshan hamdamovich boltaboeva guzal ravshanovna

3-afsona. “Qancha ko’p harajat qilsang, shuncha ko’p daromad topasan” 
Ochig’I, bu afsonaning haqiqatga yaqin jihati bor. Buni avvalgi afsonaga 
raddiya berayotganimizda tilga oldik. Albatta, kerakli, yoqimli narsalar uchun pul 
sarflar ekansiz, g’ayrishuuriy tarzda pul topish payiga ham tushib qolasiz. 
Daromadning yangi manbalarini qidira boshlaysiz. Ammo harj qilayapmanmi, 
demak, daromad ham bo’ladi, qabilida yashashning bir xavfli jihati bor: tez orada 
bir tiyinga zor bulib qolishingiz mumkin. Shuning uchun me’yorni unutmang.
4-afsona “Xozir menga pul kerak emas, shuning uchun tavakkalchilik 
qilishni istamayman. Kerak bo’lganda amallab topaman”. 
Shunday hayollar bilan o’zini ovutib yashovchilar katta xato qilishadi. Chunki 
qashshoqlarning asosiy qo’rquvi – yangiliklar, o’zgarishlar. Ular tavakkal 
qilishdan, yangi ish boshlab, chuv tushib qolishdan, qisqasi, yutqazishdan 
qo’rqishadi. Axir, ish o’xshamay qolsa, shaxsiyatlarga zarba yetadi. Ishtiyoqlari 
battar so’nadi. Bora-bora oddiy ehtiyotkorlikdan yuzaga kelgan bu qo’rquv 
fojiyaga aylanib qoladi, hech qanday asos bo’lmasa ham, inson qo’rquvdan 
tashabbuskorlikni boy berib qo’yadi. Omadli bo’lishni xohlaysizmi? Unda 
qo’rquvingizni qo’rqiting, toki u sizni boshqa o’z domiga tortmasin.
5-afsona. “Men taqvodor odamman. Boylik esa gunohlarni yetaklab keladi”. 

---

AYUPOV RAVSHAN HAMDAMOVICH 
Ko’pchilikning fikrisha, islomda tilga olingan faqirlik, kamtarlik aynan moddiy 
ahvolga ta’alluqlidir. Ya’ni pul nafsni qondiruvshi vosita, nafsning kuyida yurish 
esa – gunoh. Xa, nafsning kuyiga yurish gunoh, lekin pulga boshqacha nazar bilan 
ham qarash mumkin-ku. Olaylik, maktabda oquvchi faqat besh bahoga o’qishga 
intilsa, buni hech kim gunohga yo’ymaydi-ku. Pulga ham hayot maktabining 
iqtidor, tadbirkorlik, mahorat, professionalizm kabi fanlardan qo’yiladigan bahosi 
sifatida qarang. Qolaversa, hech bir diniy ta’limot, ayniqsa Islom, pulni 
qoralamagan, unga sig’inishni qoralagan. Pulga sig’inish esa odamlar bilan, yanada 
aniqrog’i, o’zingiz bilan kelisha olmaganingiz oqibatida yuzaga keladi. Demak, 
munosabatlarni to’g’ri yo’lga qo’ying va boying. Xudo sizni qo’llagay, albatta.