Ayni o’zgarishlar nafaqat iste’mol sektoriga, balki mamlakat iqtisodiyotining o’sishiga sabab bo’lmoqda. Xususan: 2018-yilda yalpi ichki mahsulot hajmi 407,5 trln so`mni tashkil etdi

3-rasm. 2019-yilning yanvar-sentabr holatiga O`zbekiston Respublikasida aholi umumiy daromadlarining o`sish sur’atlari (2018-yilning mos davriga nisbatan, %)

Dastlabki ma’lumotlarga ko`ra, 2019-yilning yanvar-sentyabr oylarida aholi umumiy daromadlari 251,8 trln. so`mni tashkil etdi va 2018-yilning mos davriga nisbatan 107,1% real o`sish sur’atiga erishildi. Aholi jon boshiga umumiy daromadlari esa 7517,7 ming so`mni, real o`sish sur’ati 105,2%ni tashkil etdi.

Aholining umumiy daromadlari nafaqat yollanib ishlovchilarning mehnat faoliyatidan olgan daromadlari, balki mustaqil ravishda band bo`lishdan olingan daromadlar, shaxsiy iste’moluchun o`zida ishlab chiqarilgan xizmatlardan olingan daromadlar, mol-mulkdan olingan daromadlar (foizlar, dividendlar, mualliflik haqi, boshqa mulkiy daromadlar), transfertlardan olingan daromadlar (pensiyalar, nafaqalar, stipendiyalar va boshqa joriy transfertlar)dan iborat.

2019- yilning yanvar-sentyabr oylarida aholi umumiy daromadlarining 74,9%ini birlamchi daromadlar tashkil qilgan bo`lsa 25,1% transfertlardan olingan daromadlar hissasiga to`g`ri keladi.